• search
For Quick Alerts
ALLOW NOTIFICATIONS  
For Daily Alerts

பிணைக் கைதிகளைப் பிடித்து பணம் பறிக்க திட்டமிட்டிருந்தோம் - கஸாப் மும்ப

By Staff
|

மும்பை: சத்ரபதி சிவாஜி டெர்மினஸில் புகுந்து தாக்குதல் நடத்தி, பலரைப் பிணைக் கைதிகளாகப் பிடித்து பெரும் பணம் பறிக்கத் திட்டமிட்டிருந்ததாக தீவிரவாதி முகம்மது அஜ்மல் அமீர் கஸாப் கூறியுள்ளான்.

இதுதொடர்பாக கஸாப் கொடுத்த வாக்குமூலத்தை மும்பை போலீஸார் வெளியிட்டுள்ளனர். அதில் கஸாப் கூறியுள்ளதாவது ..

மிகவும் பிசியான நேரத்தில் தாக்குதலை நடத்த நாங்கள் பணிக்கப்பட்டிருந்தோம். தாக்குதல் நடத்திய பின்னர் பலரை பிணைக் கைதிகளாகப் பிடிக்கவும் திட்டமிட்டிருந்தோம். பின்னர் மீடியாக்களைத் தொடர்பு கொண்டு பெரும் பணம் கேட்கவும் திட்டமிட்டிருந்தோம். இதுதான் எங்களுக்கு அளிக்கப்பட்டிருந்த முக்கிய உத்தரவு, திட்டம்.

சத்ரபதி சிவாஜி டெர்மினஸ் குறித்த படம் ஒன்றும் எங்களது பயிற்சியின்போது காட்டப்பட்டது. அதில் பிசியான நேரத்தில் பயணிகள் அலை மோதும் காட்சிகள் இருந்தன.

முதலில் அங்கு புகுந்து தாக்குதல் நடத்தி விட்டு, பயணிகள் பலரைப் பிடித்து அருகில் உள்ள ஒரு கட்டடத்திற்குக் கொண்டு செல்ல வேண்டும். பின்னர் சாச்சாவை (ஜாகி உர் ரஹ்மான் லக்வியின் செல்லப் பெயராம்) தொடர்பு கொள்ள வேண்டும். அவர் சில மீடியாக்களின் எண்களை எங்களுக்குத் தருவார். அங்கு தொடர்பு கொண்டு நாங்கள் பணம் கேட்டு மிரட்ட வேண்டும் என நாங்கள் அறிவுறுத்தப்பட்டிருந்தோம்.

சத்ரபதி மிஷனில் நானும், இஸ்மாயில் கானும் இடம் பெற்றிருந்தோம். எங்களுக்கு விடிஎஸ் என கோட் கொடுக்கப்பட்டிருந்தது. சாட்டிலைட் வரைபடம் மற்றும் இன்டர்நெட் மூலமாக எங்களுக்கு சத்ரபதி சிவாஜி ரயில் நிலையம் குறித்த முழு விவரமும் தெரிவி்க்கப்பட்டது.

முதலில் செப்டம்பர் 27ம் தேதியே தாக்குதல் நடத்தத் திட்டமிட்டிருந்தோம். ஆனால் சில காரணங்களால் அது ரத்து செய்யப்பட்டு விட்டது. நாங்கள் பத்து பேரும் நவம்பர் 23ம் தேதி வரை கராச்சியிலேயே தங்கியிருந்தோம்.

23ம் தேதி லக்வி மற்றும் காபா என்பவருடன் கராச்சியிலிருந்து இரண்டு லாஞ்சுகள் மூலம் கிளம்பினோம். வழியில், நாங்கள் பத்து பேர் மட்டும் அல் ஹூசைனி என்ற படகில் மும்பைக்குப் புறப்பட்டோம்.

படகில் ஏறுவதற்கு முன்பு எங்கள் ஒவ்வொருவருக்கும் ஒரு பை கொடுக்கப்பட்டது. அதில் எட்டு கிரேனெடுகள், ஒரு ஏ.கே.47 துப்பாக்கி, 200 காட்ரிட்ஜுகள், 2 மெகஸின்கள், ஒரு செல்போன் இருந்தது என்று கூறியுள்ளான் கஸாப்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more