அழகிரிக்கு துணை, ஆற்காடுக்கு இணை பொதுச் செயலாளர் பதவிகள்?
சென்னை: மு.க. அழகிரிக்கு திமுக துணைப் பொதுச் செயலாளர் பதவி வழங்கப்படலாம் என்று கூறப்படுகிறது.
இதுவரை ஸ்டாலின் இந்தப் பதவியைத் தான் வகித்து வந்தார்.
அதே போல திமுகவின் பொருளாளர் பதவியை ஸ்டாலினுக்கு விட்டுத் தந்து விலகும் ஆற்காடு வீராசாமிக்கு கட்சியின் இணைப் பொதுச் செயலாளர் பதவி வழங்கப்படலாம் என்று தெரிகிறது.
அழகிரி, வீராசாமி ஆகிய இருவோரின் பதவிகளும் நியமனப் பதவியாக இருக்கும். திமுக பொதுக்குழு கூட்டத்தில் இது குறித்து முறைப்படியான அறிவிப்பு வெளியாகலாம் என்று கூறப்படுகிறது.
அழகிரி திமுகவில் இதுவரை எந்தப் பதவியிலும் இருந்ததில்லை.
இதற்கிடையே எம்பியான தயாநிதி மாறனுக்கும் கட்சியின் இளைஞரணியின் மிக முக்கிய பதவி தரப்படலாம் என்று கூறப்படுகிறது. மத்திய அமைச்சராக இருந்தபோது மிகச் சிறப்பாக செயல்பட்டு இளைய தலைமுறையினரை பெருமளவில் கவர்ந்தவர் தயாநிதி என்பது குறிப்பிடத்தக்கது.