ஜார்க்கண்ட்: காங்கிரஸ்-6; ஜேஎம்எம்-5
டெல்லி: ஜார்க்கண்ட் மாநிலத்தில் ஐக்கிய முற்போக்குக் கூட்டணிக் கட்சிகளிடையே தொகுதிப் பங்கீடு முடிந்து விட்டது. காங்கிரஸ் அங்கு 6 தொகுதிகளிலும், சோரனின் ஜார்க்கண்ட் முக்தி மோர்ச்சா 5 தொகுதிகளிலும் போட்டியிடவுள்ளன.
ஜார்க்கண்ட் மாநிலத்தில் மொத்தம் 14 லோக்சபா தொகுதிகள் உள்ளன. இவற்றைப் பங்கிடும் பணியை ஐக்கிய முற்போக்குக் கூட்டணி வெற்றிகரமாக முடித்துள்ளது.
அதன்படி காங்கிரஸ் கட்சி 6 தொகுதிகளிலும், ஜார்க்கண்ட் முக்தி மோர்ச்சா 5 தொகுதிகளிலும், லாலு பிரசாத் யாதவின் ராஷ்டிரிய ஜனதாதளம் 3 தொகுதிகளிலும் போட்டியிடவுள்ளன.
பீகாரில் பாஜக, காங் கூட்டணியில் இழுபறி:
இதற்கிடையே, ராம் விலாஸ் பாஸ்வான் கட்சி பீகாரில் 14 தொகுதிகளை கேட்டு வருகிறது. ஆனால் இதற்கு லாலு பிரசாத் யாதவ் உடன்படவில்லை. இதனால் அங்கு ஐக்கிய முற்போக்குக் கூட்டணிக் கட்சிகளுக்கிடையே உடன்பாடு ஏற்படுவதில் சிக்கல் நிலவுகிறது.
இதேபோல, தேசிய ஜனநாயகக் கூட்டணியிலும் அங்கு இன்னும் தொகுதிப் பங்கீடு முடியாமல் இழுபறியாக உள்ளது. ஐக்கிய முக்கிய ஜனதா தளம் கூடுதல் தொகுதிகளைக் கேட்கிறது. ஆனால் அதற்கு பாஜக உடன்படவில்லை. இதனால் அங்கும் சிக்கல் நிலவுகிறது.