For Quick Alerts
ALLOW NOTIFICATIONS  
For Daily Alerts
Just In
Oneindia App Download

மக்களவை தொகுதி அறிமுகம்-25: பெரம்பலூர்

By Sridhar L
Google Oneindia Tamil News

Perambalur
பெரம்பலூர்: இதுவரை தனித்தொகுதியாக இருந்து வந்த பெரம்பலூர் தொகுதி மறு சீரமைப்புக்கு பின்பு பொதுத் தொகுதியாக அறிவிக்கப்பட்டுள்ளது.

பெரம்பலூர் லோக்சபா தொகுதியில் முன்பு பெரம்பலூர் (தனி), உப்பிலியாபுரம் (தனி), வரகூர்(தனி), அரியலூர், ஆண்டிமடம், ஜெயங்கொண்டம் ஆகிய 6 சட்ட சபை தொகுதிகள் இடம் பெற்றிருந்தது.

தற்போது தொகுதி மறு சீரமைப்புக்கு பின்பு குளித்தலை, லால்குடி, மணச்சநல்லூர், முசிறி, துறையூர்(தனி), பெரம்பலூர் (தனி) ஆகிய தொகுதிகள் இடம் பெற்றுள்ளன.

பெரம்பலூர் தொகுதியில் இருந்த ஜெயங்கொண்டம், அரியலூர் ஆகியவை சிதம்பரம் தொகுதியில் இணைக்கப்பட்டுள்ளன. அதே போன்று திருச்சி பாராளுமன்றத் தொகுதியில் இருந்த லால்குடி, முசிறி ஆகியவை பெரம்பலூர் தொகுதியில் சேர்க்கப்பட்டுள்ளன.

கரூர் பாராளுமன்றத் தொகுதியில் இருந்த குளித்தலை பெரம்பலூர் தொகுதியில் இணைக்கப்பட்டுள்ளது. மேலும், மணச்சநல்லூர் சட்டசபை தொகுதி புதிதாக உருவாக்கப்பட்டுள்ளது.

பெரம்பலூர் தொகுதியின் தற்போதைய எம்.பியான ராஜா மத்திய தகவல் தொடர்புத்துறை அமைச்சராக இருக்கிறார்.

பிற்படுத்தப்பட்ட தொகுதிகளில் ஒன்று பெரம்பலூர். இத்தொகுதியின் சட்டசபைத் (பழைய, புதிய) தொகுதிகளைப் பொறுத்தமட்டில்,

பெரம்பலூர் (தனி) தொகுதியில் திமுகவின் ராஜ்குமார், உப்பிலியாபுரம் (தனி) தொகுதியில் திமுகவின் ராணி, வரகூர்(தனி) தொகுதியில் அதிமுகவின் சந்திரகாசி, அரியலூர் தொகுதியில், அமரமூர்த்தி, ஆண்டிமடத்தில், சிவசங்கர், ஜெயங்கொண்டத்தில் அதிமுகவின் ராஜேந்திரன், குளித்தலையில் திமுகவின் மாணிக்கம் ஆகியோர் உறுப்பினர்களாக உள்ளனர்.

கடந்த தேர்தல் நிலவரம்

ஏ.ராஜா - திமுக - 3,89,708
டாக்டர் எம்.சுந்தரம் - அதிமுக - 2,36,375
வெற்றி வித்தியாசம் - 1,53,333 வாக்குகள்.

இதுவரை எம்.பியாக இருந்தவர்கள்

1951 - பூரரங்கசாமி படையாச்சி - டிஎன்டி
1957 - பழனியாண்டி -காங்.
1962 - இரா.செழியன் - திமுக
1967 - துரையரசு - திமுக
1971 - துரையரசு - திமுக
1977 - அசோக்ராஜ் - அதிமுக
1980 - கே.பி.எஸ். மணி- காங்.
1984 - எஸ்.தங்கராசு - அதிமுக
1989 - அசோக்ராஜ் - அதிமுக
1991 - அசோக்ராஜ் - அதிமுக
1996 - ராஜா - திமுக
1998 - கபி. ராஜரத்தினம் - அதிமுக
1999 - ராஜா - திமுக
2004 - ராஜா - திமுக-
முதல் தேர்தல்

நடந்த ஆண்டு - 1951
வென்றவர் - பூரரங்கசாமி படையாச்சி (டிஎன்டி)

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X