For Quick Alerts
ALLOW NOTIFICATIONS  
For Daily Alerts
Just In
Oneindia App Download

கார் விலை ரூ.1 லட்சம்; சைக்கிள் விலையோ ரூ.2 லட்சம்!!

By Sridhar L
Google Oneindia Tamil News

பெங்களூர்: ரூ.1 லட்சத்துக்கு நானோ கார் தயாரித்து சாமானியனையும் காரில் ஏற்றி அழகு பார்க்கிறது டாடா மோட்டார்ஸ். ஆனால் சாமானியர்களின் நிரந்தர வாகனமான சைக்கிளை மகா காஸ்ட்லியான சமாச்சாரமாக்கும் முயற்சியில் தீவிரமாக உள்ளது முருகப்பா குழுமத்தின் டிஐ சைக்கிள்ஸ்.

மிக விரைவில் ரூ.2 லட்சம் விலை கொண்ட சைக்கிள்களை தயாரித்து சந்தைப்படுத்தப் போகிறதாம் முருகப்பா குழுமம்.

சைக்கிள் ப்ரியர்களின் கனவு வாகனமாக இது இருக்குமாம். முதல் கட்டமாக இந்த ரகத்தில் 7 ஆயிரம் சைக்கிள்களை சந்தையில் விடப் போகிறார்களாம் முருகப்பா குழுமத்தினர்.

இந்த சூப்பர் சைக்கிள்களை இணைந்து தயாரிக்கவிருப்பவர்கள் உலகப் புகழ்பெற்ற நிறுவனங்களான பியான்சி மற்றும் கன்னோடேல்.

வழக்கமாக புழக்கத்தில் உள்ள சைக்கிள்களை விட இவை 5 கிலோ வரை எடை குறைவாகவே இருக்குமாம். ட்யூப் இல்லாத டயர்கள், ஷாக் அப்சர்ப்கள் பொருத்தப்பட்டுள்ளனவாம்.

சாதாரண சைக்கிள்களின் விலை அதிகபட்சம் ரூ.2500ததான் என்பது குறிப்பிடத்தக்கது.

கிராமங்களில் மக்கள் சைக்கிள்களை விட்டுவிட்டு மோட்டார் சைக்கிள்களுக்கு தாவிக் கொண்டிருப்பதால்,. ஏழைகள் வாகனமான சைக்கிள்களை பணக்கார வாகனங்களாக்கும் முயற்சியில் இறங்கியுள்ளது டிஐ சைக்கிள்ஸ்.

யார் ஓட்டினால் என்ன... கம்பெனிக்கு கல்லாவில் பணம் கொட்டினால் சரி!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X