For Quick Alerts
ALLOW NOTIFICATIONS  
For Daily Alerts
Oneindia App Download

மூடப்பட்டது விக்கியாசர்ச் தேடுதளம்!

By Staff
Google Oneindia Tamil News

சான்பிரான்ஸிஸ்கோ: இணையதள பயனாளர்கள் கூகுளுக்கு அடிமையாகாமல் தடுப்பதாகக் கூறி அறிமுகப்படுத்தப்பட்ட விக்கிவீடியாவின் விக்கியா சர்ச் தேடுதளம் நேற்றுடன் மூடப்படுவதாக விக்கிபீடியா நிறுவனர் ஜிம்மி வேல்ஸ் அறிவித்துள்ளார்.

கூகுள்தான் இன்று உலகின் முதல்நிலை தேடியந்திரமாக திகழ்கிறது. பயனாளர்கள் முழுக்க முழுக்க கூகுளுக்கு அடிமையாகிவிடாமல் தடுக்க வேண்டும் என்ற அறிவிப்புடன், புதிய தேடு தளமான விக்கியாவை ஆரம்பித்தார் ஜிம்மி வேல்ஸ்.

ஆனால் பயனாளர்களின் ஆதரவின்மை மற்றும் பொருளாதார நெருக்கடி காரணமாக இந்த தளம் தொடர்ந்து சிறப்பாக இயங்க முடியவில்லை.

இதைத் தொடர்ந்து விக்கியா சர்ச் புள்ளி விவரங்கள் அனைத்தும் விக்கியா கேமிங் பக்கத்துக்கு மாற்றப்பட்டுள்ளது. மேலும் விக்கியா கேள்வி பதில் பக்கமும் செயல்பாட்டில் உள்ளது.

"இது ஒரு தற்காலிகமான முடிவுதான். ஆனால் ஏதோ ஒரு வடிவில் மீண்டும் வருவேன். இந்தத் தேடுதல் முடிவற்றது. இப்போதைக்கு நான் எதிர்பார்த்த வெற்றியை விக்கியாவின் மூலம் பெற முடியவில்லை என்பதை மட்டும் தெரிவித்துக் கொள்கிறேன்..." என்று தனது ப்ளாக்கில் எழுதியுள்ளார் ஜிம் வேல்ஸ்.

இதன் மூலம் போட்டியே இல்லாத தேடுயந்திரமாக திகழ்கிறது கூகுள்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X