கட்சிகள்- வேட்பாளர்களின் தேர்தல் செலவு ரூ.16,700 கோடி!
இதற்குக் காரணம் இந்தியாவின் பொதுத் தேர்தலும் அதற்காக தண்ணீராய் வாரியிறைக்கப்படும் பணமும்தான் என்ற உண்மை தெரியவந்துள்ளது.
கோடக் இன்ஸ்டிட்யூஷனல் அனலிஸஸ் வெளியிட்டுள்ள அறிக்கையின்படி, இந்தியாவின் மொத்த உற்பத்தி அளவு 0.5 சதவிகிதம் உயர்ந்துள்ளது. இதற்குக் காரணம் இந்தி்ய தேர்தலில் செலவழிக்கப்பட்டுள்ள ரூ.16,700 கோடி. கொடுத்த வாக்குறுதிகளை நிறைவேற்ற அவசர அவசரமாக நிறைவேற்றப்பட்ட திட்டங்களுக்கு செய்யப்பட்ட செலவும் இதில் அடங்கும்.
ஆனால் இந்த திட்டங்களை ஆட்சியிலிருப்பவர்கள் முழுமையாக அமல்படுத்த முனைந்தால் நிதிப் பற்றாக்குறை சிகரத்தைத் தொடும் அளவுக்கு உயர்ந்துவிடும், என்கிறார் மிருதுள் சாக்கர். இவர் கோடக் இன்ஸ்டிட்யூஷனல் அனலிஸஸின் பொருளியல் நிபுணர்களில் ஒருவர்.
இந்தத் தேர்தல்களில் நிற்கும் வேட்பாளர்கள் செலவிடும் தொகை மட்டுமே ரூ.12,700 கோடிகள். இது தவிர தேசி்ய கட்சிகள் மட்டும் ரூ.700 கோடி வரை செலவிட்டுள்ளன. இதில் வேடிக்கை என்னவென்றால், சில மாநிலக் கட்சிகள் செலவழிக்கும் தொகையை விட இது மிகவும் குறைவுதானாம்.