உடல் நலக்குறைவு - கருணாநிதியின் பிரசாரம் ரத்து
சென்னை: முதல்வர் கருணாநிதிக்கு உடல் நலக்குறைவு ஏற்பட்டுள்ளதைத் தொடர்ந்து நேற்றும், இன்றும் அவர் மேற்கொள்வதாக இருந்த பிரசாரம் ரத்து செய்யப்பட்டுள்ளது.
கடும் முதுகு வலி, காய்ச்சல் காரணமாக முதல்வர் கருணாநிதி மருத்துவமனையில் அனுமதிக்கப்பட்டுள்ளார். 2 நாட்களுக்கு அவர் ஓய்வெடுக்க வேண்டும் என டாக்டர்கள் அறிவுறுத்தியுள்ளனர்.
இதையடுத்து நேற்றும், இன்றும் அவர் மேற்கொள்வதாக இருந்த பிரசாரம் ரத்து செய்யப்பட்டது.
நேற்று மாலை ராயபுரத்திலும், மயிலாப்பூரிலும் பிரசார பொதுக் கூட்டங்களில் கருணாநிதி பேசுவதாக இருந்தது. அது ரத்து செய்யப்பட்டது.
அதேபோல இன்று மதுரையில் முதல்வர் பிரசாரம் செய்யவிருந்தார். அதுவும் ரத்தாகியுள்ளது.
இதுதொடர்பாக, தி.மு.க. பொது செயலாளர் க.அன்பழகன் வெளியிட்ட அறிக்கை:
தி.மு.க. தலைவர் கருணாநிதி காய்ச்சல் காரணமாக தனியார் ஆஸ்பத்திரியில் அனுமதிக்கப்பட்டு இருப்பதால் இன்றும் (நேற்று), நாளையும் (இன்று) கலந்துகொள்வதாக அறிவிக்கப்பட்டிருந்த தேர்தல் பிரசார நிகழ்ச்சிகளில் தலைவர் கருணாநிதி கலந்துகொள்ளவில்லை என்று கூறியிருந்தார்.