For Daily Alerts
Just In
ஜெட் வி்மானத்திற்கு மனைவி பெயரை சூட்டிய சர்கோஸி
லண்டன்: மனைவி கார்லா ப்ரூனி மீது அளவு கடந்த காதலுடன் வலம் வரும் பிரான்ஸ் அதிபர் நிக்கோலஸ் சர்கோஸி, தான் புதிதாக வாங்கியுள்ள ஜெட் விமானத்துக்கு கார்லா ப்ரூனியின் பெயரை சூட்டியுள்ளார்.
கார்லா ப்ரூனி, சர்கோஸிக்கு மூன்றாவது மனைவி. தனது காதல் மனைவி மீது அளவு கடந்த காதலுடன் உள்ளார் சர்கோஸி. இந்த நிலையில் தான் 50 மில்லியன் பவுண்டுகளுக்கு வாங்கியுள்ள புதிய ஜெட் விமானத்துக்கு கார்லாவின் பெயரை வைத்துள்ளார் சர்கோஸி.
கடந்த ஆண்டு 240 மில்லியன் பவுண்டுகள் மதிப்புடைய விமானங்களை வாங்க ஆர்டர் கொடுத்திருந்தார் சர்கோஸி. அதில் ஒன்று இப்போது சப்ளை ஆகியுள்ளது.
அந்த விமானத்துக்குத்தான் கார்லாவின் நினைவாக கார்லா ஒன் என்று பெயரிட்டுள்ளார் சர்கோஸி.
பாரீஸ் அருகே உள்ள வில்லாகப்ளே என்ற இடத்தில் உள்ள விமானப்படைத் தளத்தில் அந்த விமானம் தற்போது நிறுத்தப்பட்டுள்ளது.
Story first published: Saturday, July 11, 2009, 14:58 [IST]