லட்சக்கணக்கான இந்தியர்களின் வாழ்க்கையை மாற்றியவர் மன்மோகன் - டைம் புகழாரம்
மன்மோகனின் பேச்சுக்கள் பெரிய அளவில் இல்லாமல் இருக்கலாம். ஆனால் அவரது செயல்பாடுகள் மிகப் பெரியவை, சாதனைக்குரியவை என்றும் டைம் புகழாரம் சூட்டியுள்ளது.
இதுகுறித்து டைம் இதழ் கூறியுள்ளதாவது..
முதலில் நிதியமைச்சராகவும், பின்னர் 2004ம் ஆண்டு முதல் பிரதமராகவும், உலகின் மிகப் பெரிய ஜனநாயக நாட்டின் தலைவராக பொருளாதார சீர்திருத்தங்களை செம்மையாக நிறைவேற்றி வருகிறார் மன்மோகன் சிங்.
இந்த தொடர் பொருளாதார சீரமைப்பு நடவடிக்கைகளால் லட்சக்கணக்கான இந்தியர்களின் வாழ்க்கை மேம்பட்டுள்ளது. சிறப்பான நிலைக்குப் போயுள்ளது.
உலகின் வேகமாக வளரும் பொருளாதார நாடாக இந்தியா இன்று உருவெடுத்திருப்பதற்கு மன்மோகன் சிங்கின் சிறப்பான செயல்பாடுகளும், திட்டங்களுமே காரணம்.
அவரது திட்டங்கள் ஏழை மக்களுக்கும் பயன் அளித்துள்ளது என்று கூறியுள்ளது டைம் இதழ்.
பிரான்ஸ் சுதந்திர விழாவில் பிரதமர்:
இந் நிலையில் நாளை நடக்கவுள்ள பிரான்ஸ் நாட்டு சுதந்திர தின விழாவில் முக்கிய விருந்தினராக மன்மோகன் பங்கேற்கிறார். இந்த நிகழ்ச்சியில் பங்கேற்கும் முதல் இந்தியப் பிரதமர் இவர் தான்.