டிசிஎஸ் தலைவரான சந்திரசேகரன்!
அவருக்குப் பதில் புதிய நிர்வாக இயக்குநராக, டிசிஎஸ் நிறுவனத்தின் சிஇஓ நடராஜன் சந்திரசேகரன் (சந்திரா) பதவி ஏற்றார்.
இந்தியாவின் முதல் நிலை ஐடி நிறுவனங்களில் ஒன்று டிசிஎஸ். இதன் நிர்வாக இயக்குநராக நீண்ட காலம் பணியாற்றியவர் ராமதுரை. டாடா குழுமத்தில் 37 ஆண்டுகள் பணியில் இருந்தவர். இப்போது அவருக்கு வயது 65. டாடா நிறுவன உயர் அதிகாரிகள் ஓய்வு வயது இது. எனவே அவரிடமிருந்து பொறுப்புகள் கைமாற்றப்படுகின்றன.
டிசிஎஸ் நிறுவனத்தை புதிய உயரத்துக்கு கொண்டு சென்ற பெருமை ராமதுரைக்கு உண்டு.
"டாடா குழுமத்தைப் பொறுத்தவரை, பொறுப்பு மற்றும் அதிகார மாறுதல் என்பது மிக மிக இயல்பான நிகழ்வாகவே இருக்கும். முன்பு நிர்வாக இயக்குநராக இருந்த எப் சி கோலியிடமிருந்து ராமதுரைக்கு பொறுப்புகள் மாற்றப்பட்ட போதும், அதைப் பெரிய பரபரப்பாக மாற்றவில்லை டாடா. இப்போதும் அதேபோலத்தான் இயல்பாக அதிகார மாற்றம் நிகழ்ந்துள்ளது," என்கிறார்கள் டிசிஎஸ் நிறுவன உயரதிகாரிகள்.