இல.கணேசனுக்கு பைபாஸ் ஆபரேஷன்
சென்னை: தமிழக பாஜக தலைவர் இல.கணேசனுக்கு விரைவில் பைபாஸ் அறுவை சிகிச்சை செய்யப்படவுள்ளது.
நெஞ்சு வலி காரணமாக இல.கணேசன் சென்னை அப்பலோ மருத்துவமனையில் சேர்க்கப்பட்டார். அவருக்கு இதய ரத்தக் குழாயில் அடைப்பு ஏற்பட்டிருப்பது தெரியவந்துள்ளது.
அடைப்பை நீக்க அவருக்கு விரைவில் பைபாஸ் அறுவை சிகிச்சை செய்ய டாக்டர்கள் அறிவுறுத்தியுள்ளனர்.
அறுவை சிகிச்சை எப்போது என்பதை இன்று மாலை நடக்கும் பரிசோதனைக்கு பின்னர் தான் அறிவிக்கப்படும் என மருத்துவமனை அதிகாரி ஒருவர் தெரிவித்தார்.
தமிழக பாஜகவின் முன்னாள் தலைவர் கே.என். லட்சுமணன் கூறுகையில், இல.கணேசன் நலமாக இருக்கிறார். அவரை நேரில் பார்க்க தொண்டர்கள் யாரும் மருத்துவமனைக்கு வர வேண்டாம் என்றார்.
திருநாவுக்கரசர் நலம் விசாரித்தார்...
பாஜகவின் தேசியச் செயலாளர் திருநாவுக்கரசர், முன்னாள் மத்திய அமைச்சர்கள் ஏ.கே. மூர்த்தி, பொன். ராதாகிருஷ்ணன் ஆகியோர் கணேசனை சந்தித்து நலம் விசாரித்தனர்.