குடியாத்தம் எம்.எல்.ஏ. லதா ரேஷன் கார்டு ரத்து
வேலூர்: ரேஷன் கார்டு சரிபார்க்கும் பணியில் ஏற்பட்ட குளறுபடி காரணமாக, குடியாத்தம் எம்.எல்.ஏ. லதாவின் ரேஷன் கார்டு ரத்து செய்யப்பட்டது
வேலூர் மாவட்டத்தில் அனைத்து தாலுகாவிலும் ரேஷன் கார்டு சரி பார்க்கும் பணி நடைபெற்று வருகின்றது. அப்போது ரேஷன் கார்டு சரிபார்க்கும் பணியில் ஏற்பட்ட குளறுபடி காரணமாக, குடியாத்தம் எம்.எல்.ஏ. லதாவின் ரேஷன் கார்டு ரத்து செய்யப்பட்டது.
இது குறி்த்து மார்க்சிஸிட் கம்யூனிஸ்ட் கட்சி புகார் கூறியுள்ளது. இதுகுறித்து அக்கட்சியினர் கூறுகையில்,
வேலூர் மாவட்டத்தில் அனைத்து தாலுகாக்களிலும் ரேஷன் கார்டு சரிபார்ப்பு பணிகளில் ஈடுபட்டுள்ளவர்கள் வீடுகளுக்கு சென்று ஆய்வு செய்வதில்லை.
வீட்டில் இருப்பவர்களை வீட்டில் இல்லை எனக் கூறி ரேஷன் கார்டுகளை அதிகாரிகள் ரத்து செய்து வருகின்றனர். இந்த செயல் மிகவும் கண்டிக்கதக்கது.
வேலூர் சத்துவாச்சாரி, ரங்காபுரம், வேலப்பாடி, அலமேலு ரங்காபுரம் மற்றும் சத்துவாச்சாரி பகுதி 2, 3, விருபாட்சிபுரம் பகுதிகளில் 200க்கும் மேற்பட்ட ரேஷன் கார்டுகளை ரத்து செய்துள்ளனர். மேலும், குடியாத்தம் எம்.எல்.ஏ லதாவின் ரேஷன் கார்டும் ரத்து செய்யப்பட்டுள்ளது.
எனவே, முறையாக ஆய்வு செய்யாத அலுவலர்கள் மீது கடுமையான நடவடிக்கை எடுக்க வேண்டும் என்று கூறியுள்ளனர்.