For Daily Alerts
Just In
ஒரிஸ்ஸா மாநில பெயர் மாற்றம்-'ஒடிஷா' ஆகிறது!
இது தொடர்பாக ஒரிஸ்ஸா மாநில அரசு முன் வைத்த கோரிக்கைக்கு மததிய அமைச்சரவை நேற்று ஒப்புதல் தந்துவிட்டது.
முன்னதாக இந்த பெயர் மாற்றங்கள் குறித்து ஒரிஸ்ஸா சட்டசபையில் கடந்த ஆகஸ்ட் மாதம் தீர்மானம் நிறைவேற்றப்பட்டு மத்திய அரசின் ஒப்புதலுக்கு அனுப்பப்பட்டது.
ஒடிஷா, ஒடியா ஆகியவை தான் அம் மாநில மொழியில் அந்த மாநிலத்துக்கும் மொழிக்கும் உள்ள பெயர்களாகும். ஆனால், ஆங்கிலேயர் ஆட்சியின்போது அவை ஒரிஸ்ஸா, ஒரியா என மாற்றப்பட்டுவிட்டன.
இதையடுத்து தனது மொழி, மாநிலத்தின் பெயர்களை தங்கள் மொழிக்கு மாற்ற அம் மாநில அரசு நடவடிக்கை எடுத்தது. இப்போது மத்திய அமைச்சரவை அனுமதி தந்துவிட்டாலும் இது தொடர்பாக நாடாளுமன்றத்தில் சட்டத் திருத்தம் கொண்டு வரப்பட வேண்டும்.
இந்த சட்டத் திருத்தம் வரும் நாடாளுமன்றக் கூட்டத் தொடரில் கொண்டு வரப்படும் என்று தெரிகிறது.
Story first published: Saturday, October 24, 2009, 14:44 [IST]