சென்னை- மஸ்கட்டுக்கு நேரடி விமான சேவை
சென்னை: சென்னை - மஸ்கட் இடையே நேரடி சேவையை ஏர் இந்தியா நிறுவனம் தொடங்கியுள்ளது.
இதேபோல, சென்னை - புவனேஸ்வர் சேவையும் தொடங்கப்பட்டுள்ளது. இதுதவிர சென்னை- அகமதாபாத் சேவை மீண்டும் தொடங்கப்பட்டுள்ளது.
இதுதவிர கொச்சி - சென்னை- பெங்களூர், கொச்சி - பெங்களூர் - சென்னை சேவையும் அறிமுகப்படுத்தப்பட்டுள்ளது.
சென்னை- அகமதாபாத் சேவை ஹைதராபாத் வழியாக வாரம் இரு முறை இயக்கப்படும். வியாழக்கிழமை, ஞாயிற்றுக்கிழமைகளில் மாலை 4 மணிக்கு இந்த விமானம் சென்னையிலிருந்து கிளம்பி ஹைதராபாத்தை 5 மணிக்கு அடைந்து அங்கிருந்து 5.50க்குக் கிளம்பி இரவு 7. 30மணிக்கு அகமதாபாத்தை சென்றடையும்.
சென்னை - மஸ்கட் சேவை நேரடி சேவையாக மாற்றப்பட்டுள்ளது. சென்னையிலிருந்து இந்த விமானம் (ஐசி 923) தினசரி இரவு 7.25 மணிக்குக் கிளம்பி இரவு 8.40 மணிக்கு மஸ்கட்டை சென்றடையும்.
சென்னை - குவைத் விமான சேவையை மும்பை வழியாக மேற்கொள்ளவும் ஏர் இந்தியா திட்டமிட்டுள்ளது.
செவ்வாய்க்கிழமை இந்த விமானம் (ஐசி 993) மாலை 4.15க்குக் கிளம்பி மும்பையை 6.05க்கு அடையும். அங்கிருந்து 7.05க்குப் புறப்பட்டு குவைத்தை இரவு 9.05 மணிக்கு சென்றடையும்.
சனிக்கிழமைகளில் சென்னையிலிருந்து 3.25 மணிக்குக் கிளம்பி மும்பையை 5.15க்கு அடைந்து அங்கிருந்து 6.15க்குப் புறப்பட்டு இரவு 8.15 மணிக்கு குவைத்தை சென்றையும்.
சென்னை- புவனேஸ்வர் விமானம் (ஐசி 541) சென்னையிலிருந்து காலை 11 மணிக்குக் கிளம்பி புவனேஸ்வரை 12.55 மணிக்கு சென்றடையும்.