• search
For Quick Alerts
ALLOW NOTIFICATIONS  
For Daily Alerts

டெல்லியில் மு.க.அழகிரிக்கு வீடு ஒதுக்கீடு

|

Alagiri
டெல்லி: மத்திய அமைச்சராகி 5 மாதங்கள ஆகிவிட்ட நிலையில் இப்போது மு.க.அழகிரி தனக்கு ஒதுக்கப்பட்ட அதிகாரப்பூர்வ இல்லத்தில் குடியேறியுள்ளார்.

ரசாயனத்துறை அமைச்சரான அழகிரி முதன் முறையாக அமைச்சரானதால், அவருக்கு வீடு ஒதுக்குவதில் தாமதம் ஏற்பட்டது. இதனால் அவர் நெடு நாட்களாக தமிழ்நாடு இல்லத்திலேயே தங்கி வந்தார்.

இந் நிலையில் கடந்த ஆட்சியில் இணையமைச்சராக இருந்த சுப்புலட்சுமி ஜெகதீசனுக்கு டெல்லி சப்தர்ஜங் சாலையில் ஒதுக்கப்பட்டிருந்த வீடே அழகிரிக்கு தாற்காலிகமாக ஒதுக்கப்பட்டது.

இதையடுத்து அங்கு தங்கினார் அழகிரி. இந் நிலையில் அவருக்கென அதிகாரப்பூர்வ இல்லமாக, டெல்லி காமராஜர் சாலையில் வீடு ஒதுக்கப்பட்டது.

இந்த இல்லம் கடந்த ஆட்சியில் ராஷ்ட்ரீய ஜனதா தளத்தைச் சேர்ந்த முன்னாள் அமைச்சர் எம்.ஏ.பாத்மிக்கு ஒதுக்கப்பட்டிருந்தது.

இந்த வீட்டை புதுப்பிக்கும் பணி கடந்த வாரம் முடிந்ததையடுத்து இரு தினங்களுக்கு முன் அழகிரி அந்த இல்லத்தில் தனது குடும்பத்துடன் குடியேறினார்.

இந் நிலையில் இணையமைச்சரான ஜெகத்ரட்சகனு வீடு ஒதுக்கப்பட்டும் இன்னும் அவர் குடியேற முடியவில்லை. அதில் வசித்து வரும் சமாஜ்வாடி கட்சியின் முன்னாள் எம்.பியான சலீம் ஷெர்வானி வீட்டை காலி செய்ய டிசம்பர் வரை நேரம் கேட்டுள்ளதால் ஜெகத்ரட்சகன் தமிழ்நாடு இல்லத்திலும் ஹோட்டலிலும் தங்கியிருந்து வருகிறார்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X