ரஷ்ய விமானம் விழுந்து 11 பேர் பலி
விளாடிவாஸ்டாக்: ரஷ்யாவில் விமானம் விழுந்து 11 பேர் பலியாயினர்.
விளாடிவாஸ்டாக் பகுதியின் யகூடியா நகரில் இஇருந்து இக்குட்ஸ்க் என்ற இடத்துக்குக் கிளம்பிய இந்த விமானம் புறப்பட்ட சில நிமிடங்களிலேயே விழுந்து வெடித்துச் சிதறியது.
IL-76 ரகத்தைச் சேர்ந்த இந்த சரக்கு விமானம் உள்துறை அமைச்சகத்துக்கு சொந்தமானது.
உயிர் தப்பிய தைவான் அதிபர்:
இந் நிலையில் தைவான் நாட்டு அதிபர் மா யிங் ஜோயியுடன் பறக்க இருந்த விமானத்தில் தீப் பிடித்துக் கொண்டது. இதையடுத்து அந்த விமானம் ரன் வேயிலேயே நிறுத்தப்பட்டு உடனடியாக அதிலிருந்த அதிபரும் 11 பேரும் உயிர் தப்பினர்.
Fokker 50 ரகத்தைச் சேர்ந்த அந்த விமானம் ரன்வேயில் ஓட அரம்பித்தபோது அதன் ஒரு பக்க பிரேக்கில் தீ பிடித்து அதிலிருந்து புகை வெளியானது.
இதையடுத்து அந்த விமானம் உடனடியாக நிறுத்தப்பட்டு அனைவரும் தரையிறக்கப்பட்டு தீ அணைக்கப்பட்டது.