• search
For Quick Alerts
ALLOW NOTIFICATIONS  
For Daily Alerts

திமுகவில் இணையும் முன்னாள் அதிமுக அமைச்சர் சின்னசாமி?-முதல்வருடன் முத்துசாமி சந்திப்பு

By Chakra
Google Oneindia Tamil News
Chinnasamy
கரூர்: முன்னாள் அமைச்சரும், எம்.ஜி.ஆர். மன்ற மாநில துணைld தலைவருமான கரூர் சின்னசாமி திமுகவில் இணையப் போவதாகக் கூறப்படுகிறது.

அதிமுக மூத்த தலைவர்களில் ஒருவரான முத்துசாமி திமுகவில் இணைப்போவதாக தகவல் வெளியாகியுள்ள நிலையில், நேற்று முதல்வர் கருணாநிதியை அவரது கோபாலபுரம் இல்லத்தில் சந்தித்து பேசியதாகத் தெரிகிறது.

ஆனால், அதுகுறித்து அதிகாரபூர்வமாக தகவல் ஏதும் வெளியிடவில்லை.

இந் நிலையில் கரூர் தொகுதி முன்னாள் சட்டமன்ற உறுப்பினர், முன்னாள் குடிநீர் வடிகால் வாரிய தலைவர், முன்னாள் அதிமுக கரூர் மாவட்டச் செயலாளர், முன்னாள் தமிழக தொழில் துறை அமைச்சர், முன்னாள் கரூர் எம்பி , அதிமுக கழக அமைப்புச் செயலாளர் என பல்வேறு பதவிகளை வகித்த கரூர் சின்னசாமிக்கு, தற்போது எம்.ஜி.ஆர். மன்ற மாநில துணைத் தலைவர் என்ற டம்மி பதவியைத் தான் தந்துள்ளது அதிமுக தலைமை.

வயதிலும், அரசியல் அனுபவத்திலும் இவரைவிட ஜூனியரான செந்தில் பாலாஜிக்கு கரூர் சட்டமன்ற உறுப்பினர், கரூர் மாவட்டச் செயலாளர் என முக்கிய பதவிகளை வழங்கினார் அதிமுக பொதுச் செயலாளர் ஜெயலலிதா.

கடந்தமுறை மக்களவைத் தேர்தலில் கரூரில் சின்னசாமிக்கு பதில் தர்மபுரியில் இருந்து தம்பித்துரையை கொண்டு வந்து நிறுத்தினார்.

இதனால் வெறுத்துப் போயுள்ள சின்னச்சாமி திமுகவில் இணைப்போவதாக தகவல் வெளியாகியுள்ளது.

அவருடன் தொட்டியம் முன்னாள் எம்.எல்.ஏ சிவபதி, முசிறி முன்னாள் எம்.எல்.ஏ பிரின்ஸ் தங்கவேல், மற்றெரு முன்னாள் எம்.எல்.ஏ இரத்தினவேல் ஆகியோரும் திமுகவுக்கு தாவுவர் என்று கூறப்படுகிறது.

முதல்வர் கருணாநிதி பிறந்த தினமான ஜூன் 3ம் தேதி இவர்கள் திமுகவில் இணையக்கூடும் என்று எதிர்பார்க்கப்படுகிறது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X