பொறியியல் கவுன்சிலிங்- கட் ஆப் மார்க் வாரியான தேதி வெளியீடு
என்ஜினீயரிங் கவுன்சிலிங் சென்னை அண்ணா பல்கலைக்கழகத்தில் நடைபெற்று வருகிறது. அதன் அட்டவணை ஏற்கனவே அண்ணா பல்கலைக்கழக இணையதளத்தில் வெளியிடப்பட்டுள்ளது.
ஜூலை 4-ம் தேதி உடல் ஊனமுற்ற மாணவர்களுக்கான கவுன்சிலிங் நடைபெறவுள்ளது. பொது கவுன்சிலிங் (அகடமிக்) 5-ம் தேதி தொடங்கவுள்ளது. முதல் கட்ட கவுன்சிலிங் ஜூலை 20-ம் தேதியுடன் முடிவடைகிறது. இதில் சுமார் ஒரு லட்சத்திற்கும் மேற்பட்ட மாணவர்கள் கலந்து கொள்வார்கள் என எதிர்பார்க்கப்படுகிறது.
வரும் 4-ம் தேதி முதல் 20-ம் தேதி வரை நடைபெறும் கவுன்சிலிங்கில் கலந்து கொள்ளும் கட் ஆப் மார்க், கவுன்சிலிங் நேரம் ஆகியவை அண்ணா பல்கலைக்கழக இணையதளத்தில் வெளியிடப்பட்டுள்ளது.
www.annauniv.edu /tnea 2010 என்ற முகவரியில் இதை அறிந்து கொள்ளலாம்.
இதுமட்டுமின்றி மாணவ-மாணவிகளுக்கு கவுன்சிலிங்குக்கான அழைப்பு கடிதமும் அனுப்பப்பட்டுள்ளது. அதில் கவுன்சிலிங் தேதியும், நேரமும் குறிப்பிடப்பட்டுள்ளது என அண்ணா பல்கலைக்கழகம் தெரிவித்துள்ளது.