3.22 லட்சம் செவர்லே கார்களை திரும்பப் பெறும் ஜிஎம்!

சிகாகோ: ஜெனரல் மோட்டார்ஸ் நிறுவனம் தனது புகழ்பெற்ற செவர்லே இம்பாலா பிராண்ட் கார்களில் 322409 - ஐ திரும்பப் பெறுகிறது.

2009-2010-ம் ஆண்டுகளில் தயாரான இந்த வகை மாடல்களில் முன்பக்க சீட்
பெல்ட் பிரச்சினைக்குரியதாக உள்ளதாகவும், இது அமெரிக்கா மற்றும் கனடாவின் பாதுகாப்புத் தரத்துக்கு உகந்த வகையில் இல்லாததால், இந்தக் கரார்களைத் திரும்பப் பெறுவதாகவும் ஜிஎம் நிறுவனம் அறிவித்துள்ளது.

இந்தக் குறைபாட்டால் வாடிக்கையாளர்களுக்கு ஆபத்து ஏதும் இதுவரை நேரவில்லை என்றாலும், பாதுகாப்பு விதிகளை முற்றிலும் கடைப்பிடிக்கவே இந்த திரும்பப் பெறும் நடவடிக்கை என்றும் ஜிஎம் நிறுவனம் அறிவித்துள்ளது.