இளவரசர் கேட், வில்லியம் திருமணம் நீடிக்குமா? மக்கள் பந்தயம்

லண்டன்: வரும் 29-ம் தேதி இங்கிலாந்து இளவரசர் வில்லியம் கேட் மிடில்டன்னை மணக்கிறார். இது தொடர்பாக மக்கள் தற்போதே பந்தயம் கட்டத் துவங்கிவிட்டனர்.

உலகமே வில்லியம், கேட்டின் ராஜ திருமணத்தைப் பார்க்க ஆவலாக இருக்கிறது. இந்த நிலையில் அவர்கள் திருமணம் தொடர்பாக பலர் பந்தயம் கட்டத் துவங்கிவிட்டனர். கேட் திருமணத்தன்று என்ன நிறத்தில் உடை அணிவார், தம்பதிகள் பிரியக்கூடுமா என்பதுபோன்று பந்தயம் கட்டுகின்றனர்.

இத்தனை ஆண்டுகள் இளவரசர் வில்லியமை காக்க வைத்த கேட் நிச்சயமாக திருமண நாளன்றும் காக்க வைப்பார் என்கின்றனர் புக்கிகள். சிலர் கேட் திருமணம் நடக்கும் வெஸ்ட்மின்ஸ்டர் ஆபிக்கு சரியாக 11 மணிக்கு வருவார் என்றும், சிலர் 3 நிமிடங்கள் தாமதமாக 11.03 மணிக்கு வருவார் என்றும் கூறுகின்றனர். இன்னும் சிலர் கேட் 12 நிமிடங்களோ அல்லது மேலும் தாமதமாகத் தான் வருவார் என்று பந்தயம் கட்டியுள்ளனர்.

ஒரு புறம் கேட், வில்லியம் திருமணம் நீடிக்குமா என்று மக்கள் பந்தயம் கட்ட மறுபக்கம் ஜோதிடர்கள் அவர்கள் திருமண வாழ்க்கை சார்லஸ், டயானாவை விட நீண்ட காலம் நீடிக்கும் என்கிறார்கள்.

English summary

People have started betting whether Kate and William will head for splitsville, what colour will be Kate's wedding dress and so on. The prince charming is marrying Kate on april 29. Some people bet that Kate will come late to the Westminster Abbey where the royal wedding will be conducted.