ஃபேம்... விருகம்பாக்கத்தில் 5 திரைகள் கொண்ட புதிய மல்டிப்ளக்ஸ்!

விருகம்பாக்கத்தில் 5 திரையரங்குகள் கொண்ட புதிய மல்டிப்ளெக்ஸ் ஃபேம் சனிக்கிழமை தொடங்கியது.

சென்னை: ஃபேம் நேஷனல் என்ற பெயரில் தொடங்கப்பட்டுள்ள மல்டிப்ளெக்ஸில் மொத்தம் 1327 இருக்கைகள் உள்ளன. 5 சிறிய, சொகுசு திரையரங்குகள் இதில் இடம்பெற்றுள்ளன.

ஃபேம் சினிமாஸ் இந்தியா முழுவதும் 102 மல்டிப்ளெக்ஸ்களை உருவாக்கியுள்ளது. சென்னையில் இதுதான் முதல் மல்டிப்ளெக்ஸ்.

டால்பி சவுண்ட், கண்ணைக் கவரும் ஊதா நிற இன்டீரியர், வெல்வெட் இருக்கைகள் என படம் பார்க்கும் ரசிகர்களை இதமான மனநிலையில் வைத்திருக்கும் அளவுக்கு இந்த அரங்கம் வடிவமைக்கப்பட்டுள்ளது.

இதன் தொடக்க விழாவில் சிறப்பு விருந்தினர்களாக இயக்குநர்கள் பார்த்திபன், சேரன் உள்ளிட்டோர் வந்து குத்துவிளக்கேற்றினர்.

விருகம்பாக்கத்தில் இருந்த பழைய நேஷனல் திரையரங்கை இடித்துவிட்டுத்தான் இந்த ஃபேம் மல்டிப்ளெக்ஸ் உருவாகியுள்ளது.

English summary

The Fame chain of multiplexes launched its first multiplex in Chennai- Fame National, with 5 screens and 1327 seats. Well-known actor and director Cheran and Parthepan took part in the ceremony. Fame today has a total of 27 properties, 102 screens across 13 cities in India.