• search
For Quick Alerts
ALLOW NOTIFICATIONS  
For Daily Alerts

தமிழக போக்குவரத்துக் கழகங்களுக்கு ரூ. 125 கோடியில் 3000 பஸ்கள் வாங்கப்படும்

|

சென்னை: தமிழக அரசுப் போக்குவரத்துக கழகங்களுக்கு ரூ. 125 கோடியில் 3000 புதிய பஸ்கள் வாங்கப்படும் என்று பட்ஜெட்டில் அறிவிக்கப்பட்டுள்ளது.

இதுதொடர்பாக நிதியமைச்சர் ஓ.பன்னீர்செல்வம் பட்ஜெட்டைத் தாக்கல் செய்து கூறியதாவது:

போக்குவரத்துக் கழகங்களுக்கு கூடுதல் வருவாய் ஏற்படுத்தும் வகையில் தற்போது கணிசமாக நிலம் உள்ள பேருந்து நிலையங்களை அரசு-தனியார் கூட்டு முயற்சியால் பேருந்து நிறுத்தம் வசதியுடன் அடுக்கக வணிக வளாகம் கட்டி மேம்படுத்த நடவடிக்கை எடுக்கப்படும்.

பொதுமக்களுக்கு போக்குவரத்து வசதிகளை மேம்படுத்துவதற்கு 2011-2012 ஆம் ஆண்டில் 3 ஆயிரம் புதிய பஸ்கள் வாங்கப்படும். இதற்காக திருத்த வரவு- செலவுத் திட்ட மதிப்பீட்டில் பங்கு மூலதன உதவிக்கென 125 கோடி ரூபாய் ஒதுக்கீடு செய்யப்பட்டுள்ளது.

மாணவர்களுக்கு இலவச பஸ் பாஸ் வழங்குவதற்கு இழப்பீடாக மாநில போக்குவரத்து கழகங்களுக்கு உதவித்தொகை வழங்க 304 கோடி ரூபாய் ஒதுக்கீடு செய்யப்பட்டுள்ளது.

நகர்ப்புர மக்கள் தொகையின் மிக வேகமான வளர்ச்சி நகர்புர போக்குவரத்தில் மிகுந்த தாக்கத்தை ஏற்படுத்தியுள்ளது. சென்னைப் பெருநகர் பகுதி அடுத்த 10 ஆண்டுகளில் ஒரு கோடி மக்கள் தொகை கொண்ட மிகப்பெரும் நகரமாக வளரும் என எதிர்பார்க்கப்படுகிறது. எனவே, சென்னையில் ஒருங்கிணைந்த நகர்புர போக்குவரத்து முறையினை மேம்படுத்துவதற்கான அவசியம் ஏற்பட்டுள்ளது.

சென்னை நகரில் தற்போதுள்ள பொது போக்குவரத்துடன் மெட்ரோ ரெயில் திட்டத்தினை ஒருங்கிணைத்தல், சென்னையில் பல பகுதிகளை ஒருங்கிணைக்கக்கூடிய விரிவான மோனோ ரெயில் அமைப்பினை நிறுவுதல் வாயிலாக ஓர் ஒருங்கிணைந்த பன்முறை நகரப் போக்குவரத்து வசதி ஏற்படுத்தப்படும்.

மோனோ ரெயில் திட்டத்தினை செயல்படுத்துவதற்கு தமிழ்நாடு அரசு உரிய நடவடிக்கைகளைத் தொடங்கியுள்ளது. இதற்கான ஆய்வுப் பணிகள் தொடங்கப்பட்டுள்ளன. இத்திட்டத்தை விரைவில் தொடங்குவதற்குத் தேவையான நிதி ஆதாரம் இந்த ஆண்டிலேயே கண்டறியப்படும் என்று அதில் தெரிவிக்கப்பட்டுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
TN govt has allotted Rs. Rs. 125 cr for buying 3000 new buses in coming year. This was disclosed by the finance Minister O.Pannerselvam in the Budget.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more