பழமையான தனியார் வங்கிகளில் தமிழ்நாடு மெர்க்கன்டைல் வங்கிக்கு முதலிடம்
தூத்துக்குடி: தமிழ்நாடு மெர்க்கன்டைல் வங்கி 2011ம் ஆண்டின் சிறந்த பழமை வாய்ந்த தனியார் வங்கிகளின் தர வரிசைப் பட்டியலில் முதலிடம் பெற்றுள்ளது.
இது குறித்து தமிழ்நாடு மெர்க்கன்டைல் வங்கியின் வணிக வளர்ச்சிதுறை பொது மேலாளர் செல்வன் ராஜதுரை வெளியிட்டுள்ள செய்திக்குறிப்பில் கூறியிருப்பதாவது,
கடந்த 2011ம் ஆண்டுக்கான சிறந்த இந்திய வங்கிகளின் தர வரிசைப் பட்டியல் வெளியாகியுள்ளது. இதில் இந்தியாவில் உள்ள பழமையான தனியார் வங்கிகளில் தமிழ்நாடு மெர்க்கன்டைல் வங்கி முதலிடம் பெற்று சாதனை படைத்துள்ளது. எர்னஸ்ட் அன்ட் யங் என்ற வணிக தகவல்களை ஆராய்ந்து அளிக்கும் முன்னணி அமைப்பு இதை தெரிவித்துள்ளது.
இதற்காக வங்கியின் லாபம் ஈட்டும் திறன், செயல்திறன், கடன்களின் தரம், வங்கிகளின் வலிமை, ஸ்திரதன்மை மற்றும் வளர்ச்சி என்ற அளவுகோள்களின் அடிப்படையில் ஆய்வு செய்யப்பட்டுள்ளது.
இவ்வாறு அவர் அந்த அறிக்கையில் தெரிவித்துள்ளார்.