• search
For Quick Alerts
ALLOW NOTIFICATIONS  
For Daily Alerts

பதவி உயர்வில் தலித்களுக்கு இட ஒதுக்கீடு: மசோதா தாக்கல்... ராஜ்யசபாவில் எம்பிக்கள் அடிதடி

By Chakra
|

Rajyasabha
டெல்லி: அரசுப் பணிகளில் பதவி உயர்வுகளில் தாழ்த்தப்பட்டோருக்கு இட ஒதுக்கீடு அளிக்கும் சட்ட மசோதா தாக்கலின்போது ராஜ்யசபாவில் சமாஜ்வாடி கட்சி எம்பிக்கும் பகுஜன் சமாஜ் கட்சியின் எம்பிக்கும் இடையே கைகலப்பு ஏற்பட்டது.

தலித்களின் வளர்ச்சிக்கு உதவும் இந்த மசோதாவை தாக்கல் செய்ய விடாமல் பாஜக உறுப்பினர்கள் கோஷமிட்டனர். நிலக்கரி ஊழல் விவகாரத்தில் பிரதமர் ராஜினாமா செய்ய வேண்டும் என்று கோரி அவர்கள் கோஷமிட்டனர்.

ஆனாலும், அதையும் மீறி மசேதாவை மத்திய அரசு தாக்கல் செய்தது. இந் நிலையில் ராஜ்யசபாவில் இந்த மசோதா தாக்கலின்போது சமாஜ்வாடி கட்சி எம்பிக்கும், பகுஜன் சமாஜ் கட்சி எம்பிக்கும் இடையே அடிதடி ஏற்பட்டது.

இந்த மசோதாவுக்கு சமாஜ்வாடி கட்சியின் தலைவரான முலாயம் சிங் யாதவ் எதிர்ப்புத் தெரிவித்து வருகிறார். கடந்த சட்டமன்றத் தேர்தலில் உத்தரப் பிரதேசத்தில் அவருக்கு தலித்களின் வாக்குகள் கிடைக்கவில்லை. பகுஜன் சமாஜ் தலைவர் மாயாவதியின் பக்கமே தலித்கள் உள்ளனர்.

இதனால் இனிமேலும் அவர்களது வாக்குகள் தனக்குக் கிடைக்காது என்று கருதும் முலாயம் சிங், இந்த மசோதாவை எதிர்க்கிறார். இதன்மூலம் உத்தரப் பிரதேசத்தில் உயர் ஜாதி இந்துக்களின் வாக்குகள் தன் பக்கமாக நகரும் என்பது அவரது கணக்கு.

இன்று ராஜ்யசபாவில் இந்த மசோதா தாக்கல் செய்யப்பட்டபோது சமாஜ்வாடி கட்சியைச் சேர்ந்த எம்பி நரேஷ் அகர்வால் அவையின் மையப் பகுதிக்கு வந்து பிரச்சனை செய்ய முயன்றார். அவரை பகுஜன் சமாஜ் கட்சியின் எம்பி நரேஷ் அகர்வால் தடுக்க முயன்றார்.

இதையடுத்து இரு எம்பிக்களுக்கும் இடையே கைகலப்பு ஏற்பட்டது. இதைத் தொடர்ந்து ராஜ்யசபா ஒத்தி வைக்கப்பட்டது.

இந்த மசோதாவை ஏற்க பாஜகவுக்கும் மனம் இல்லை. ஆனால், அதை வெளியில் சொல்லாமல் நிலக்கரி விவகாரத்தை கையில் எடுத்துக் கொண்டு நாடாளுமன்றத்தில் இந்த மசோதா தாக்கலாகிவிடாமல் தடுக்க முயன்றது. ஆனால், அதையும் மீறி மசோதாவை மத்திய அரசு இரு அவைகளிலும் தாக்கல் செய்துவிட்டது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Both houses of Parliament were adjourned for the 11th consecutive day on Wednesday as the main Opposition Bharatiya Janata Party (BJP) continued its protest against the government on the coal blocks allocation issue. In the Lok Sabha, BJP kept up its chant demanding the resignation of Prime Minister Manmohan Singh over the coal block allocations. They were joined by the Samajwadi Party members, who shouted against the promotions quota in government jobs that was approved by the union cabinet on Tuesday.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more