'வாட்டர் பில்ட்டர்' விளம்பர தூதரானார் 'மாஸ்டர் பிளாஸ்டர்' சச்சின்!
லுமினோஸ் வாட்டர் டெக்னால்ஜி பிரைவேட் லிமிடேட் நிறுவனத்தின் குடிநீர் சுத்திகரிப்பு சாதனம் லைவ்பியூர் ரிவைஸ் ஆஸ்மோசிஸ் வாட்டர் பியூரிபையர். அதிநவீன தொழில்நுட்பத்துடன் குடிநீரை தூய்மையாக்கும், இந்த தயாரிப்பிற்கு இந்திய மாஸ்டர் பேட்ஸ்மேன் சச்சின் விளம்பர தூதராக நியமிக்கப்பட்டுள்ளார். ஏற்கனவே பல விளம்பரங்களில் நடித்து வரும் சச்சின், வருங்காலத்தில் லைவ்பியூரின் விளம்பரத்திலும் தோன்றுவார்.
டெல்லியில் நடைபெற்ற விழாவில் கலந்து கொண்ட சச்சின், லைவ்பியூர் குடிநீர் சுத்திகரிப்பு சாதனை குறித்து பேசினார். அப்போது அவர், அதிநவீன தொழிற்நுட்பத்துடன் செயல்படும் இச்சாதனம், பொதுமக்கள் இடையே பெரும் வரவேற்பை பெறும் என்றார்.
விழாவில் லுமினோஸ் நிறுவனத்தின் தலைவர் ராகேஷ் மல்ஹோத்ரா கூறியதாவது,
குடிநீர் சுத்திகரிப்பு தொடர்பான சாதனங்கள் தயாரிப்பில் எங்கள் நிறுவனம் ரூ.500 கோடி முதலீடு செய்கிறது. இதன்மூலம் வரும் 2017ம் ஆண்டிற்குள் ரூ.2 ஆயிரம் கோடி மதிப்பில் விற்பனை நடைபெறும் என்று எதிர்பார்க்கப்படுகிறது. வெளியாட்களிடம் இருந்து எந்த முதலீடும் பெறப்படவில்லை என்றார்.
லுமினோஸ் நிறுவனத்தின் முதலீட்டு தொகையில் ரூ.200 கோடி மூலம் தயாரிப்பு, ஆராய்ச்சி, வளர்ச்சி ஆகிய பணிகள் நடைபெறும். மீதமுள்ள ரூ.300 கோடி மூலம் நுகர்வோர் சந்திப்பு மற்றும் விற்பனை கூடங்கள் அமைக்கப்பட உள்ளது.
தொலைத்தொடர்பு மற்றும் எலக்ட்ரிக்ஸ் துறையில் சிறந்து விளங்கும் லுமினோஸ் நிறுவனம், இரு வகையான வாட்டர் பில்ட்டர்களை தயாரித்து வெளியிட தீர்மானித்துள்ளது. இதில் 'டெச்' என்ற பெயரிலான வாட்டர் பில்ட்டர் ரூ.15,999 விலையும், 'டெச் ப்ளஸ்' என்ற பெயரிலான வாட்டர் பில்ட்டர் ரூ.16,999 விலையும் நிர்ணயிக்கப்பட்டுள்ளது.
கடந்த 4 ஆண்டுகளுக்கு மேலாக லுமினோஸ் நிறுவனத்துடன் விளம்பரத்துறையில் இணைந்து செயலாற்றி வரும் சச்சின், தற்போது லைவ்பியூர் சாதனத்தின் விளம்பர தூதராக நியமிக்கப்பட்டிருப்பது குறிப்பிடத்தக்கது.