• search
For Quick Alerts
ALLOW NOTIFICATIONS  
For Daily Alerts

ஃபோர்ப்ஸ் சர்வே: இந்திய பணக்காரர்கள் பட்டியலில் முகேஷ் அம்பானியே தொடர்ந்து முதலிடம்

By Mathi
|

டெல்லி: இந்திய பணக்காரர்கள் பட்டியலில் ரிலையன்ஸ் குழுமத்தின் முகேஷ் அம்பானிக்கே முதலிடம் கிடைத்திருக்கிறது. ஃபோர்ப்ஸ் பத்திரிகை வெளியிட்டிருக்கும் இந்திய பணக்காரர்கள் பட்டியலில் முகேஷ் அம்பானியின் சொத்து மதிப்பு 21 பில்லியன் டாலர் என்று தெரிவிக்கப்பட்டிருக்கிறது.

முகேஷ் அம்பானி

முகேஷ் அம்பானி

அண்மையில் சீன நிறுவனம் ஒன்று இந்திய பணக்காரர்கள் பட்டியலை வெளியிட்டிருந்தது. அதில் முகேஷ் அம்பானிதான் இந்தியாவின் முதல் பணக்காரர் என்று தெரிவிக்கப்பட்டிருந்தது. தற்போது ஃபோர்ப்ஸ் பத்திரிகையும் முகேஷ் அம்பானியே முதலிடம் என்று தெரிவித்துள்ளது. கடந்த 5 ஆண்டுகளாக முகேஷ் அம்பானி தொடர்ந்து முதலிடத்தில் இருந்து வருகிறார். இருப்பினும் இவரது சொத்து மதிப்பு சற்றே குறைந்திருக்கிறது.

2வது இடத்தில் லட்சுமி மிட்டல்

2வது இடத்தில் லட்சுமி மிட்டல்

இந்திய பணக்காரர்கள் பட்டியலில் 2-வது இடத்தைப் பெற்றிருப்பவர் லட்சுமி மிட்டல். ஸ்டீல் தொழிலில் கோலோச்சி வரும் லட்சுமி மிட்டலின் சொத்து மதிப்பு 16 பில்லியன் டாலர்.

அஜிம் பிரேம்ஜிக்கு 3வது இடம்

அஜிம் பிரேம்ஜிக்கு 3வது இடம்

விப்ரோ குழுமத்தின் தலைவரான அஜிம் பிரேம்ஜிக்கு 3-வது இடம் கிடைத்திருக்கிறது. இவரது சொத்து மதிப்பு 12.2 பில்லியன் டாலர். கடந்த ஆண்டை ஒப்பிடுகையில் 800 மில்லியன் டாலர் இது குறைவாகும்.

பலோன்ஜி மிஸ்ட்ரி

பலோன்ஜி மிஸ்ட்ரி

கட்டுமானத் துறையில் முன்னணி வகிக்கும் பலோன்ஜி மிஸ்ட்ரி, 4-வது இந்திய பணக்காரர். இவரது சொத்து மதிப்பு 9.8 பில்லியன் டாலர்.

திலீப் சங்வி

திலீப் சங்வி

சன் பார்மசூட்டிகல்ஸின் திலீப் சங்வி முதன் முறையாக ஃபோர்ப்ஸ் பட்டியலின் டாப் 5க்குள் நுழைந்திருக்கிறார். இவரது சொத்து மதிப்பு 9.2 பில்லியன் டாலர். கடந்த ஆண்டை ஒப்பிடுகையில் திலீப் சங்வியின் சொத்து மதிப்பு 2.5 பில்லியன் டாலர் அதிகமாகும்.

அதி கோத்ரேஜ்

அதி கோத்ரேஜ்

115 ஆண்டுகள் பழமைவாய்ந்த கோத்ரேஜ் குழுமத்தின் அதி கோத்ரேஜ் இந்தியாவின் 6-வது பணக்காரர். இவரது சொத்து மதிப்பு 9 பில்லியன் டாலர். மும்பை புறநகரில் 3,500 ஏக்கர் நிலத்தை வாங்கியிருப்பதன் மூலம் தங்களது சொத்து மதிப்பை அதிகரித்திருக்கிறது கோத்ரேஜ் குடும்பம்.

சாவித்ரி ஜிண்டால்

சாவித்ரி ஜிண்டால்

இந்தியாவின் 7-வது பணக்காரர் என்ற பெருமை சாவித்ரி ஜிண்டாலுக்கு கிடைத்திருக்கிறது. இவரது சொத்து மதிப்பு 8.2 பில்லியன் டாலர்.

சசி மற்றும் ரவி ரூயா

சசி மற்றும் ரவி ரூயா

இந்தியாவின் 8வது பணக்காரர் என்ற பெருமை எஸ்ஸார் குழுமத்தின் சசி மற்றும் ரவி ரூயா இருவருக்கும் கிடைத்திருக்கிறது. இவர்களது சொத்து மதிப்பு 8.1 பில்லியன் டாலர். மொத்தம் 25 நாடுகளில் எஸ்ஸார் குழுமம் தமது வர்த்தகத்தை மேற்கொண்டு வருகிறது.

இந்துஜா சகோதரர்கள்

இந்துஜா சகோதரர்கள்

இந்துஜா குழுமத்தின் ஸ்ரீசந்த், கோபிசந்த், பிரகாஷ் மற்றும் அசோக் ஆகியோர் இந்திய பணக்காரர்களில் 9-வது இடத்தில் இருக்கின்றனர். இவர்களது சொத்து மதிப்பு 8 பில்லியன் டாலர்!

10-வது இடத்தில் குமார்மங்கலம் பிர்லா

10-வது இடத்தில் குமார்மங்கலம் பிர்லா

இந்திய பணக்காரர்களில் 10-வது இடத்தை 45 வயதான குமார் மங்கலம் பிர்லா பெற்றிருக்கிறார். இவரது சொத்து மதிப்பு 7.8 பில்லியன் டாலர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Indian business magnate Mukesh Ambani has once again reaffirmed his place as India's richest man. Reliance Industries Chairman Ambani is the country's richest man with a personal fortune of $21 billion, according to Forbes Magazine. Mukesh Ambani beats steel giant Lakshmi Mittal and Wipro head Azim Premji to top the Forbes's list.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more