தமிழ்நாடு மெர்க்கன்டைல் வங்கி டெபாசிட்டுகளுக்கு வட்டி விகிதம் உயர்வு
இது குறித்து தமிழ்நாடு மெர்க்கன்டைல் வங்கி வணிக வளர்ச்சித்துறை பொது மேலாளர் செல்வன் ராஜதுரை வெளியிட்டுள்ள செய்திக்குறிப்பில் கூறியிருப்பதாவது,
தமிழ்நாடு மெர்க்கன்டைல் வங்கி சேமிப்பை ஊக்குவிக்கவும், சேமிப்பை அதிகரிக்கவும் டெபாசிட்டுகளுக்கான வட்டி விகிதத்தை ஜனவரி முதல் தேதி முதல் உயர்த்தி உள்ளது. 180 நாட்கள் முதல் 10 ஆண்டுகளுக்குட்பட்ட வைப்பு தொகைக்கான வட்டி விகிதத்தை 0.25 சதவீதம் முதல் 0.75 சதவீதம் வரை உயர்த்தி உள்ளது.
180 நாட்கள் முதல் ஒரு ஆண்டுக்கு கீழ் பொதுமக்களுக்கு 8.25 சதவீதம் முதல் 9 சதவீதம் வரையும், மூத்த குடிமக்களுக்கு 8.25 சதவீதம் முதல் 9 சதவீதம் வரையும், பொதுமக்களுக்கு ஒரு ஆண்டு முதல் 5 ஆண்டுகள் வரை 9.25 முதல் 9.50 சதவீதமும், மூத்த குடிமக்களுக்கு 9.50 சதவீதம் முதல் 9.75 சதவீதம் வரையும் வட்டி விகிதம் உயர்த்தப்பட்டுள்ளது.
20 மாதங்கள் மற்றும் 20 நாட்களுக்கு பொதுமக்களுக்கு 9.50 சதவீதம் முதல் 9.75 சதவீதமும், மூத்த குடிமக்களுக்கு 9.75 சதவீதம் முதல் 10 சதவீதமும், 5 ஆண்டுகளுக்கு மேல் 10 ஆண்டுகள் வரை பொதுமக்களுக்கு 9 சதவீதம் முதல் 9.25 சதவீதம் வரையும், மூத்த குடிமக்களுக்கு 9.25 சதவீதம் முதல் 9.50 சதவீதம் வரையும் வட்டி விகிதம் உயர்ந்துள்ளது என்று அதில் தெரிவிக்கப்பட்டுள்ளது.