அரபிக் கடலில் குறைந்த காற்றழுத்த தாழ்வு நிலை: இன்றும் மழைக்கு வாய்ப்பு!

சென்னை: அரபிக் கடலில் குறைந்த காற்றழுத்த தாழ்வு நிலை உருவாகியிருப்பதால் தென் தமிழகத்தில் மழை பெய்ய வாய்ப்புள்ளது என்று சென்னை வானிலை ஆய்வு மையம் தெரிவித்துள்ளது.

லட்சத்தீவுகள் மற்றும் கேரள, கர்நாடக கடற்கரை ஒட்டிய அரபிக் கடலில் குறைந்த காற்றழுத்த தாழ்வு நிலை உருவாகியுள்ளது. இதனால் தென் தமிழகம் மற்றும் டெல்டா மாவட்டங்களில் கனமழை பெய்ய வாய்ப்புள்ளது.

ராமநாதபுரம், திருநெல்வேலி, தூத்துக்குடி, கன்னியாகுமரி, தஞ்சாவூர், திருவாரூர், நாகப்பட்டினம் ஆகிய மாவட்டங்களில் இன்று ஆங்காங்கே கனமழை பெய்யும் என்றும் வானிலை ஆய்வு மையம் எச்சரித்துள்ளது. புதுவையில் ஆங்காங்கே மழை பெய்ய வாய்ப்புள்ளது.

English summary

The presence of a trough of low pressure area in the Arabian sea is likely to bring in more rains in southern districts of Tamil Nadu.