ஆஸ்திரேலியாவுக்கு வேலைக்கு செல்வது இனி கஷ்டம்!
மெல்போர்ன்: குறைந்த ஊதியம் கொண்ட பணிகளுக்காக இனி வெளிநாட்டினர் ஆஸ்திரேலியாவுக்குச் செல்ல முடியாது.
ஆண்டுக்கு 180,000 டாலர் முதல் 250,000 டாலர் வரை ஊதியம் வழங்கப்பட்டால் மட்டுமே வெளிநாட்டினரை வேலைக்குச் சேர்க்கலாம் என்று ஆஸ்திரேலிய நிறுவனங்களுக்கு அந் நாடு புதிய விதியை அமல்படுத்தியுள்ளது.
இதன்மூலம் வெளிநாட்டினரை மிகக் குறைந்த ஊதியத்தில் பணிக்கு அமர்த்தும் நிறுவனங்களுக்கு ஆஸ்திரேலியா பெரும் தடையை உருவாக்கியுள்ளது. குறைந்த ஊதியமானாலும் பரவாயில்லை, ஆஸ்திரேலியாவில் குடியேறிவிட்டால் போதும் என்ற நிலையில் உள்ள வெளிநாட்டினருக்கும் இது பெரும் பாதிப்பை ஏற்படுத்தும்.
இது தொடர்பாக விசா விதிமுறைகளில் பல்வேறு புதிய விதிகளை ஆஸ்திரேலியா சேர்த்துள்ளது. இதனால் அதிகம் பாதிக்கப்படப் போவது வெளிநாட்டுத் தொழிலாளர்களே.
மேலும் வெளிநாட்டினரை வேலைக்குச் சேர்க்கும்போது அவர்களுக்கு ஆங்கிலம் போதிக்க வேண்டும், ஆஸ்திரேலியர்கள் கிடைக்காத பட்சத்தில் தான் இவர்களை பணியில் சேர்க்க வேண்டும் என்றும் இந்த புதிய விசா விதிகள் கூறுகின்றன.