• search
For Quick Alerts
ALLOW NOTIFICATIONS  
For Daily Alerts
Just In

சேலம் திமுகவில் ஓங்கும் மு.க.ஸ்டாலின் கை! உருவாக்கப்படுகிறார் வீரபாண்டியார் வாரிசு பிரபு!!

By Mathi
|

Stalin
சேலம்: திமுகவில் மு.க.ஸ்டாலின்தான் அடுத்த தலைவர் என்ற நிலை உருவான போது அதை கடுமையாக எதிர்த்தது சேலம் மாவட்டம். ஆனால் இன்று அதே சேலம் மாவட்டம் வீரபாண்டியார் குடும்பம் மூலமாகவே ஸ்டாலின் வசமாகிறது.

மாநில உரிமைகளை பாதுகாக்க முன்னெப்போதும் இல்லாத வகையில் தேவைப்படுகிறார் கருணாநிதி- மு.க.ஸ்டாலின்

திமுகவில் அண்ணா காலத்து அரசியல் தலைவர்களில் ஒருவர் என்ற 'சீனியாரிட்டி' அடைமொழியோடு வலம் வந்தவர் மறைந்த வீரபாண்டி ஆறுமுகம். திமுகவில் ஸ்டாலின் அணி, அழகிரி அணி என எதிலும் இல்லாமல் கருணாநிதி அணியில் இருந்தவர்களில் முக்கியமானவர் அவர். ஆனால் அவரது தமது கடைசி காலத்தில் மு.க. ஸ்டாலினுக்கு எதிராக மு.க. அழகிரி அணியில் தன்னை அடையாளப்படுத்திக் கொண்டார். இதனால் கட்சித் தலைமையோடு பகிரங்கமாகவே மோதினார்.

மு.க. அழகிரியின் மதுரை மாவட்ட தளகர்த்தகர்கள் பலரும் ஸ்டாலின் பக்கம் சாய்ந்த போதும் கூட சேலத்தை ஸ்டாலினால் அசைக்க முடியாமல் இருந்தது. வீரபாண்டி ஆறுமுகம் மறைந்த பிறகு மாவட்ட செயலர் பதவியை தமக்கே தருவர் என்று எதிர்பார்த்து காத்திருந்தார் அவரது மகன் வீரபாண்டி ராஜா. ஆனால் சேலம் மாவட்ட பொறுப்பாளராக எஸ்.ஆர். சிவலிங்கம் அறிவிக்கப்பட்டார். இதில் ராஜா தரப்பு சலசலப்பு காண்பித்துக் கொண்டிருந்து. வீரபாண்டி ராஜாவின் 'அடாவடி' தொடர கடிவாளம் போடத் தொடங்கினார் ஸ்டாலின்.

இந்த கடிவாளக் காட்சிகளில் ஒன்றுதான் வீரபாண்டியாரின் இளைய மகன் பிரபு. சென்னையில் இருக்கும் பிரபு மு.க. ஸ்டாலினை அடிக்கடி சந்தித்துப் பேச அவர் முற்று முழுதாக மு.க. ஸ்டாலின் அணியாகவே மாறிப் போனார். இந்த அணி மாற்றத்துக்கான 'பிரகடன அறிவிப்பு' ஸ்டாலின் பிறந்த நாள் விழாக்களில் அரங்கேற்றமாகியிருக்கிறது. சேலம் மாவட்டத்தில் பல இடங்களில் நடைபெற்ற ஸ்டாலின் பிறந்த நாள் விழாக்களில் பிரபுதான் விவிஐபி. அப்புறம் என்ன? தளபதி சிக்னல் பிரபுவுக்கு கிடைத்துவிட்ட என்பதால் அப்படியே ஸ்டாலின் அணியினர் பிரபுவுக்கு நெருக்கம் காட்டுகின்றனர். இதில் உச்சமாக சொல்லப்படுவது வீரபாண்டி ஆறுமுகத்தின் தம்பி மகன் பாரப்பட்டி சுரேஷும் கூட பிரபு பக்கம் சாய்ந்துவிட்டாராம்! இதனால் வீரபாண்டி ஆறுமுகம் குடும்பத்தில் பிரிவினை வேர்விடத் தொடங்கியிருக்கிறதாம்!

சேலத்து சிங்கம் என்று சொல்லப்படும் வீரபாண்டி ஆறுமுகம் வீட்டிலிருந்து ஸ்டாலின் ஆதரவு அணி உதயமாகியிருப்பதால் ஏக குஷியில் இருக்கிறதாம் சேலம் திமுக!

முக அழகிரி திமுக?:

இதனிடையே காங்கிரஸ் கட்சியுடன் நெருக்கம் காட்டுகிற மு.க. அழகிரி திமுகவில் ஒரு காங்கிரஸ் ஆதரவு அணியை உருவாக்கும் முனைப்பில் இருக்கிறார் என்று குமுதம் ரிப்போர்ட்டர் வாரமிருமுறை இதழ் பதிவு செய்திருக்கிறது. அவருக்கு 11 எம்.பிக்களின் ஆதரவு இருப்பதாகவும் அந்த இதழ் தெரிவித்திருக்கிறது.

பொருத்தமான வரன் தேர்ந்தெடுக்க தமிழ் மேட்ரிமோனி - இன்றே பதிவு செய்யுங்கள , பதிவு இலவசம்!

 
 
 
English summary
Late DMK leader Veerapandi Arumugam's younger son Prabhu now join with DMK top leader MK Stalin Camp.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more