இளவரசர் ஹாரியின் காதலுக்கு வந்த சோதனை: மிஸ் அமெரிக்க அழகியை மணக்கப்போகிறாரா?
நியூயார்க்: இளவரசர் ஹாரியை திருமணம் செய்து கொள்ள விரும்புவதாக 2012ம் ஆண்டின் மிஸ் அமெரிக்க அழகி தெரிவித்துள்ளார். இதனால் ஹாரியின் தற்போதைய காதல் சிக்கலில் சிக்கியுள்ளது.
சார்லஸ்- டயானா ஜோடியின் இளைய மகன் இளவரசர் ஹாரி. ஆப்கானிஸ்தானுக்கு எதிராக நடந்த போரில் ராணுவ வீரராக களமிறங்கி தீவிரவாதிகளுக்கு எதிராக போரிட்ட பெருமைக்குரியவர்.
இந்நிலையில் ஹாரியை திருமணம் செய்து கொள்ள விரும்புவதாக விழா ஒன்றில் 2012ம் ஆண்டின் மிஸ் அமெரிக்கா நானா மெரிவெதர் தெரிவித்து பரபரப்பை உண்டாக்கியுள்ளார்.
ஹாரியும், மெரிவெதரும்...
ஹாரி அமெரிக்காவின் நியூயார்க் நகரில் நடைபெற்ற தி ராயல் பவுண்டேசன் எனப்படும் தங்களது டிரஸ்டுக்கு நிதி திரட்டும் நிகழ்ச்சியில் கலந்து கொண்டார். இந்த நிகழ்ச்சியில் மிஸ் அமெரிக்கா 2012 அழகியான நானா மெரிவெதரும் கலந்து கொண்டார்.
அந்தஸ்து உண்டு...
6 அடி 4 அங்குலம் கொண்ட மெரிவெதர் நிகழ்ச்சியின்போது இளவரசர் ஹாரியை குறிப்பிட்டு பேசுகையில், அவர் ஆச்சரியமிக்க பணியை செய்து வருகிறார். மிஸ் அமெரிக்காவுக்கு இங்கு உயரிய அந்தஸ்து உண்டு.
கல்யாணம் கட்டிக்கலாமா..?
ஹாரியை சந்திப்பேன் என்ற நம்பிக்கை எனக்கு இருந்தது. அவர் மணமாகாதவர். சரிதானே? நானும் மணமாகாதவள் தான். நாங்கள் திருமணம் செய்து கொண்டால் அது ஆச்சரியமாக இருக்கும் அல்லவா?
அழகாய் இருக்கிறீர்கள்...
அவர் மிக உயரமானவர். நல்ல தோற்றம் கொண்டவர் என நான் கேள்விப்பட்டு இருக்கிறேன். அது உண்மை என தற்போது தெரிந்து கொண்டேன்' என்று கூறினார்.
சிக்கலில் காதல்...
இதனால் இளவரசர் ஹாரிக்கு காதலியாக இருக்கும் கிரெஸ்சிடா போனசுக்கு புதிய சிக்கல் உண்டாகியுள்ளது.