ஜி.ஸ்டாலினுக்கு கல்தா கொடுத்த மு.க. ஸ்டாலின்!
சென்னை: திருவள்ளூர் மாவட்ட தி.மு.க. இளைஞர் அணி அமைப்பாளர் ஜி.ஸ்டாலின் அப்பொறுப்பில் இருந்து அதிரடியாக நீக்கப்பட்டுள்ளார்.
இது குறித்து திமுக பொருளாளரும், தி.மு.க. இளைஞர் அணிச் செயலாளருமான மு.க.ஸ்டாலின் வெளியிட்டுள்ள செய்திக் குறிப்பில் கூறியுள்ளதாவது :
திருவள்ளூர் மாவட்ட தி.மு.க. இளைஞர் அணி அமைப்பாளர் ஜி.ஸ்டாலின் மீது நீதி மன்றத்தில் ஒரு விவாகரம் குறித்த குற்றவியல் வழக்கு பதிவு செய்யப்பட்டு விசாரணை நடைபெற்று வருகின்றது.
அந்த வழக்கு முடியும் வரை அவருக்கு பதிலாக மாவட்ட இளைஞர் அணி துணை அமைப்பாளராக பணியாற்றி வரும் தே.உதயசூரியன் (எ) அருண்ராம், மாவட்ட இளைஞர் அணி அமைப்பாளராக செயல்படுவார்.
இந்த, நியமனம், திமுக தலைவர் கலைஞர், பொதுச் செயலாளர் பேராசிரியர் ஆகியோரின் ஒப்புதலோடு வெளியிடப்படுகிறது என கூறப்பட்டுள்ளது.
அன்பழகன் அறிக்கை
இதேபோல் காவேரிப்பட்டணம் திமுக ஒன்றியக் கழகச் செயலாளர் க.மகேந்திரன் அதிரடியாக கட்சியில் இருந்து சஸ்பெண்ட் செய்யப்பட்டுள்ளார்.
இது குறித்து திமுக தலைமைக் கழக பொதுச் செயலாளர் பேராசியர் அன்பழன் வெளியிட்டுள்ள செய்திக் குறிப்பில் கூறியுள்ளதாது
கிருஷ்ணகிரி மாவட்டம், காவேரிப்பட்டணம் ஒன்றியக் கழகச் செயலாளர் க.மகேந்திரன், கழகக் கட்டுப் பாட்டை மீறியும், கழகத்திற்கு அவப்பெயர் ஏற்படும் வகையில் செயல்பட்டதாலும் அவர் தி.மு.கழகத்திலிருந்து தற்காலிகமாக நீக்கி வைக்கப்படுகிறார் என கூறப்பட்டுள்ளது.