• search
For Quick Alerts
ALLOW NOTIFICATIONS  
For Daily Alerts

பரபர ராஜ்யசபா தேர்தல்.. திமுகவுக்கு அதிமுகவின் மனித நேய மக்கள் கட்சி ஆதரவு!

By Mathi
|
RS polls: MMK support to DMK Candidate
சென்னை: ராஜ்யசபா தேர்தலில் திமுக வேட்பாளர் கனிமொழியை 2 எம்.எல்.ஏக்களைக் கொண்டிருக்கும் மனித நேய மக்கள் கட்சி ஆதரிக்கும் என்று அறிவிக்கப்பட்டுள்ளது.

தமிழகத்தைச் சேர்ந்த 6 ராஜ்யசபா எம்.பி.க்களின் பதவிக் காலம் முடிவடைவதால் வரும் 27-ந் தேதி தேர்தல் நடைபெற உள்ளது. ஆளும் அதிமுக அணியில் 5 பேரின் வெற்றி உறுதியாகிவிட்டது. 6வது எம்.பி. இடத்துக்கு திமுகவும் தேமுதிகவும் மோதுகின்றன. காங்கிரஸ் கட்சியின் ஆதரவுடன் எப்படியும் வென்றுவிடலாம் என்று நம்பியது திமுக.

ஆனால் தேமுதிகவை ஆதரிப்பதிலேயே காங்கிரஸ் முனைப்பு காட்டி வருகிறது. இதனால் 3 எம்.எல்.ஏக்களைக் கொண்டிருக்கும் பாட்டாளி மக்கள் கட்சி மற்றும் தலா 2 எம்.எல்.ஏக்களைக் கொண்டிருக்கும் மனித நேய மக்கள் கட்சி, புதிய தமிழகம் கட்சிகள் பக்கம் திமுக கவனத்தைத் திருப்பியது.

பாமக இளைஞரணித் தலைவருடன் திமுக பொருளாளர் மு.க. ஸ்டாலின் நேற்று சந்தித்துப் பேசியிருந்தார். இந்த நிலையில் மனித நேய மக்கள் கட்சியின் எம்.எல்.ஏக்களான ஜவாஹிருல்லா மற்றும் ஆம்பூர் அஸ்லாம் ஆகியோர் இன்று திடீரென திமுக தலைவர் கருணாநிதியை சந்தித்துப் பேசினர். இந்த சந்திப்புக்குப் பின்னர் செய்தியாளர்களிடம் பேசிய மனிதநேய மக்கள் கட்சியின் தலைவரும் எம்.எல்.ஏவுமான ஜவாஹிருல்லா, ராஜ்யசபா தேர்தலில் தாமும் மற்றொரு எம்.எல்.ஏவும் திமுக வேட்பாளரை ஆதரிப்போம் என்றார்.

மனித நேய மக்கள் கட்சியின் அதிகாரப்பூர்வ அறிவிப்பால் காங்கிரஸ் உருவாக்கிய நெருக்கடியில் இருந்து சற்றே மீண்டிருக்கிறது திமுக. மேலும் கடந்த சட்டசபை தேர்தலில் அதிமுகவுடன் கூட்டணி அமைத்து போட்டியிட்டது மனிதநேய மக்கள் கட்சி. தற்போது திமுக அணியில் இணைந்திருப்பதன் மூலம் எதிர்வரும் லோக்சபா தேர்தலில் திமுக அணியிலேயேதான் அக்கட்சி நீடிக்கும் எனத் தெரிகிறது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Manithaneya Makkal Katchi leader Jawahirullah today announced his party will support to the DMK Candidate Kanimozhi in Rajya sabha election.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more