For Quick Alerts
ALLOW NOTIFICATIONS  
For Daily Alerts
Just In
Oneindia App Download

டெல்லி மெட்ரோ ரயில்களில் ஆண்-பெண் ஆபாசம்: வக்கிர இணையத்தளங்களுக்கு போன ரகசிய வீடியோக்கள்!

By Chakra
Google Oneindia Tamil News

டெல்லி: டெல்லி மெட்ரோ ரயில்களில் பொறுத்தப்பட்டுள்ள சிசிடிவி கேமராக்களில் பதிவாகும் ஆண்-பெண்களின் பொது இட அசிங்கங்களை அப்படியே பல்வேறு ஆபாச இணையத்தளங்களில் வீடியோவாக போட்டுள்ளது ஒரு கும்பல்.

இந்தக் கும்பலுக்கு மெட்ரோ ரயில் நிர்வாகம் மற்றும் மத்திய தொழில்துறை பாதுகாப்புப் படையின் கட்டுப்பாட்டில் உள்ள சிசிடிவி வீடியோக்கள் எப்படி கிடைத்தன என்பது தெரியவில்லை. மெட்ரோ ரயில் அலுவலகத்தில் அல்லது மத்திய தொழில்துறை பாதுகாப்புப் படையில் பணியாற்றும் யாரோ தான் இந்த வீடியோக்களை இவர்களுக்குத் தந்திருக்க வேண்டும் அல்லது அந்த நபரே தான் ஆபாச இணையத்தளங்களில் இந்த வீடியோவை அப்லோட் செய்திருக்க வேண்டும் என்று தெரிகிறது.

MMS made from Delhi Metro CCTV footage

மேலும் இந்த வீடியோக்கள் எம்எம்எஸ்-களாக செல்போன்களிலும் பரவி வருகின்றன.

மொத்தம் 13 மெட்ரோ ரயில் ஆபாச வீடியோக்கள் இதுவரை இணையத்தளங்களில் அப்லோட் ஆகியுள்ளன. இதை இதுவரை 1.5 லட்சம் பேர் பார்த்து 'ரசித்துள்ளனர்'.

குறிப்பாக இரவு நேரங்களில் ஆட்கள் அதிகமில்லாத பெட்டிகளில் ஏறும் ஆண்-பெண்கள் சிலர் ரயிலில் வைத்தே அறுவறுப்பான வேலைகளில் இறங்குகின்றனர். இதை அதில் உள்ள வீடியோ கேமராக்கள் படம் பிடிக்கின்றன என்பது பெரும்பாலானவர்களுக்குத் தெரியாது.

தீவிரவாதிகள் தாக்குதல் உள்ளிட்ட செயல்களைத் தடுக்க பாதுகாப்பு காரணங்களுக்காக இந்தக் கேமராக்கள் வைக்கப்பட்டுள்ளன. ஆனால், இதில் இந்த ஆபாசங்களும் ஏராளமாக பதிவாகின்றன.

இந்த வீடியோக்கள் தான் ஆபாச இணையத்தளங்களுக்கும் எம்எம்எஸ்களாக செல்போன்களுக்கும் போய்ச் சேர்ந்துள்ளன.

இதில் முக்கியமான கேள்வி, இந்த வீடியோக்கள் எப்படி வெளியே போயின என்பது தான்.

இந்த வீடியோ கேமராக்கள் டெல்லி மெட்ரோ ரயில் கார்ப்பரேசன் மற்றும் மத்திய தொழில்துறை பாதுகாப்புப் படை (CISF) ஆகியோரின் கட்டுப்பாட்டில் தான் உள்ளன.

இப்போது வீடியோவை லீக் செய்தது யார் என்பது தொடர்பாக இந்த இரு பிரிவினருக்கும் இடையே மோதல் எழுந்துள்ளது. இதை நாங்கள் செய்யவில்லை, அவர்கள் தான் செய்திருக்க வேண்டும் என்று டெல்லி மெட்ரோ ரயில் கார்ப்பரேசன் மற்றும் மத்திய தொழில்துறை பாதுகாப்புப் படை இருவருமே ஒருவரை ஒருவர் குற்றம் சாட்டுகின்றனர்.

English summary
CCTV cameras installed in and around Delhi Metro stations for security purposes are being misused as some intimate footage of couples captured by these cameras have reached the adult sites. But who is to be blamed for this–the metro officials or the CISF personnel who are the only people who can access the footage. The breach has more than one serious implication. Not only does it imply a security breach that penetrated information that was meant only for the eyes of security personnel, it also indicates that there is a corruption angle involved. After all, if security footage can be sold for money to porn sites, how useful is video surveillance going to be in case something suspicious does happen in a Metro Station or on board a train? It will be only too easy to buy off someone in the establishment and erase all evidence, or get the watchers to turn a blind eye.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X