‘கிளிமூக்கு’ மீனுக்கு டாட்டூஸ் குத்தும் சீன வாஸ்துப் பிரியர்கள்...

பீஜிங்: ‘வாஸ்து' மீன்களை நமக்கு அறிமுகப்படுத்திய சீனர்கள், தற்போது அடுத்த கட்டத்திற்கு முன்னேறியுள்ளார்கள். அதாவது, வாஸ்து மீனுக்கே ‘ வாஸ்துடாட்டூஸ்' குத்தி விற்பனை செய்கிறார்கள்.

நம்மூரில் ‘என்னைப் பார் யோகம் வரும்', ‘கண்ணைப் பார் சிரி' என்றெல்லாம் அதிர்ஷ்டப் படங்களை மாட்டி வாஸ்து பார்த்த நமக்கு, வாஸ்து மீன்கள் என்ற ஒன்றை அறிமுகப் படுத்தியதே சீனர்கள் தான்.

அதை நம்பி, லட்சக் கணக்கில் காசு கொடுத்து படா, சோட்டா சைஸ்களில் பலர் வீடுகளில் வாஸ்து மீன் வளர்த்து வருகிறார்கள். இன்னும் இந்தியாவிற்கு இந்த வாஸ்து டாட்டூஸ் மீன்கள் வரவில்லை என்ற போதிலும், சீனாவில் வெற்றிநடை போட்டுக் கொண்டிருக்கிறது இந்த வியாபாரம்.

மீன் வளர்த்தால் செல்வம்...

சீனாவின் செங்டு பகுதியில் கிளிமூக்கு மீன்கள் அதிகம். பொதுவாக சீனர்களுக்கு மீன் வளப்பது என்பது பொழுது போக்கையும் தாண்டி, செல்வம் கொழிக்கும் நம்பிக்கை வாஸ்து.

ராசியோ ராசி...

முன்பு, வெறும் வாஸ்து மீன்களை வைத்தாலே ராசி என்ற கோட்பாட்டை சற்று மாற்றி, மீனின் உடம்பில் வாஸ்து டாட்டூஸ் போட்டால் ராசியோ ராசி என சொல்கிறார்கள் சீனர்கள்.

விதவிதமான டாட்டூஸ்...

இந்த கிளிமூக்கு மீன்களின் உடம்பில் வாடிக்கையாளர்களின் விருப்பத்திற்கேற்ப பல வண்ணங்களில் டாட்டூஸ் குத்தி தருகிறார்கள்.

விருப்பத்திற்கேற்ப...

தொழில் செய்யும் இடங்களில் வைக்கப் படும் மீன்களின் உடலில், ‘ முதலாளை, இனி உங்க வியாபாரம் சிறப்பாக இருக்கும்..' என்பது போன்ற வாசகங்களும், வீட்டு உபயோகத்திற்கு என்றால் மகிழ்ச்சி, வெற்றி போன்ற வார்த்தைகள், சில சின்னங்கள், ராசியான எண்கள் என டாட்டூஸ் போட்டு தருகிறார்கள்.

போட்டா போட்டி...

இந்த வாஸ்து டாட்டூஸ் மீன்களை வளர்த்தால் வளம் பெருகுவதாக செய்யப்படும் விளம்பரத்தால், விலையைப் பற்றி கவலைப் படாமல் மீனை வாங்கப் போட்டி போடுகிறார்களாம் சீனர்கள்.

English summary

The technique of tattooing the fish is very common in China. The tattoos are made with laser parrot fish that are highly sought after pet. Fish pet parrots are sold at low prices, but when they have a tattoo on his back, which can be flowers, or Chinese characters, greatly increasing their value.