ஃப்ரிட்ஜுகளைவிட அதிக மின்சாரத்தை உறிஞ்சும் ஐபோன்கள்
வாஷிங்டன்: ஐபோன்களால் ஃப்ரிட்ஜுகளை விட அதிக அளவில் மின்சாரம் செலவாகிறது என்று புதிய ஆய்வில் தெரிய வந்துள்ளது.
அமெரிக்காவில் உள்ள பிரேக்த்ரூ இன்ஸ்டிடியூட் ஐபோன்கள் குறித்து ஒரு ஆய்வை நடத்தியது. அதில் ஆண்டுக்கு ஃப்ரிட்ஜ் 322 கிலோவாட் நேர (கிலோவாட் ஹவர்)மின்சாரத்தை பயன்படுத்துவதும், ஐபோன் 361 கிலோவாட் நேர மின்சாரத்தை பயன்படுத்துவதும் தெரிய வந்துள்ளது.
ஆனால் உலக மின்சாரத்தில் தகவல் மற்றும் தொலைத்தொடர்பு சாதனங்கள் மட்டும் 10 சதவீதத்தை எடுத்துக் கொள்வதுடன் ஒப்பிடுகையில் இது ஒன்றும் இல்லை. தற்போது பயன்படுத்தப்பட்டு வரும் வயர்லெஸ் ப்ராட்பேண்ட் இந்த மின்சார பயன்பாட்டை மேலும் அதிகரிக்கும்.
தகவல் தொடர்புத் துறை நிலக்கறி மூலம் கிடைக்கும் மின்சாரத்தையே பெரிதும் நம்பி உள்ளது. இந்த ஆய்வுக்கு நிலக்கறி மற்றும் சுரங்கத் துறை அணுசரனை வழங்கியது என்பது குறிப்பிடத்தக்கது.