மக்கள் விரும்பும் தலைவர்...ஐக்கிய அரபு அமீரக அதிபர் ஷேக் கலீஃபா பின் சையத் காலமானார்

Updated: Friday, May 13, 2022, 17:09 [IST]

அபுதாபி: ஐக்கிய அரபு அமீரக அதிபர் ஷேக் கலீஃபா பின் சையத் உடல் நலக்குறைவால் காலமானார். அவருக்கு வயது 74. மறைந்த ஷேக் கலீஃபா பின் சையத் கடந்த 2004 ஆம் ஆண்டு யுஏஇ அதிபரானார்

ஐக்கிய அரபு எமிரேட்ஸின் அதிபரான ஷேக் கலீஃபா பின் சயீத் அல் நஹ்யானின் மறைவுக்காக ஐக்கிய அரபு அமீரகம், அரபு மற்றும் இஸ்லாமிய தேசம் மற்றும் உலக மக்களுக்கு ஜனாதிபதி விவகார அமைச்சகம் இரங்கல் தெரிவிக்கிறது என்று அறிக்கை தெரிவித்துள்ளது.

திமுக கூட்டணியில் இவங்க 4 பேருக்குதான் ராஜ்யசபா எம்.பி. பதவி? ஓரிருநாட்களில் அதிகாரப்பூர்வ அறிவிப்பு

ஷேக் கலீஃபா ஐக்கிய அரபு எமிரேட்ஸின் அதிபராகவும், அபுதாபியின் ஆட்சியாளராகவும் நவம்பர் 3, 2004 முதல் பணியாற்றினார். அவர் தனது தந்தை மறைந்த ஷேக் சயீத் பின் சுல்தான் அல் நஹ்யானுக்குப் பிறகு தேர்ந்தெடுக்கப்பட்டார்.

யார் இந்த ஷேக் கலீஃபா

1948 இல் பிறந்த ஷேக் கலீஃபா ஐக்கிய அரபு எமிரேட்ஸின் இரண்டாவது ஜனாதிபதியாகவும், அபுதாபி எமிரேட்டின் 16 வது ஆட்சியாளராகவும் இருந்தார். அவர் ஷேக் சயீதின் மூத்த மகன் ஆவார். ஐக்கிய அரபு எமிரேட்ஸின் தலைவரான பிறகு, ஷேக் கலீஃபா மத்திய அரசு மற்றும் அபுதாபி அரசாங்கத்தின் பெரிய மறுசீரமைப்புக்கு தலைமை வகித்தார்.

வளர்ச்சிக்கான திட்டங்கள்

ஜனாதிபதியாக தேர்ந்தெடுக்கப்பட்ட பிறகு, ஷேக் கலீஃபா, ஐக்கிய அரபு எமிரேட்ஸ் குடிமக்கள் மற்றும் குடியிருப்பாளர்களின் செழிப்பை மையமாக வைத்து, சமநிலையான மற்றும் நிலையான வளர்ச்சியை அடைய பல்வேறு முக்கிய திட்டங்களைத் தீட்டினார்.

ஸ்திரமான ஆட்சி

ஐக்கிய அரபு எமிரேட்ஸின் ஜனாதிபதியாக அவரது முக்கிய நோக்கங்கள் அவரது தந்தை ஷேக் சயீத் வகுத்த பாதையில் தொடர்வதாக இருந்தது. அவருடைய பாரம்பரியம், "எதிர்காலத்திற்கு நம்மை வழிநடத்தும் கலங்கரை விளக்கமாக தொடரும், பாதுகாப்பு மற்றும் ஸ்திரத்தன்மை ஆட்சி செய்யும் வளமான எதிர்காலம் என்றும் கூறி வந்தார் ஷேக் கலீஃபா.

அனைவரும் விரும்பும் அதிபர்

ஷேக் கலீஃபா ஒரு நல்ல அதிபராகவும், தனது மக்களின் விவகாரங்களில் ஆழ்ந்த அக்கறை கொண்டவராகவும் இருந்தார். அவரது ஆட்சியின் கீழ், ஐக்கிய அரபு எமிரேட்ஸ் ஒரு விரைவான வளர்ச்சியைக் கண்டுள்ளது, இது நாட்டை வீடு என்று அழைக்கும் மக்களுக்கு கண்ணியமான வாழ்க்கையை உறுதி செய்கிறது. அவர் ஐக்கிய அரபு எமிரேட்ஸ் மட்டுமல்லாது உலகின் பிற பகுதிகளிலும் மிகவும் விரும்பப்படும் தலைவராக இருந்தார்.