அம்பரீஷ் மரணத்திற்கு நடிகர்கள், அரசியல்வாதிகள் இரங்கல்
நடிகர் அம்பரீஷ் மரணத்திற்கு நடிகர்கள், அரசியல்வாதிகள் இரங்கல் தெரிவித்து வருகிறார்கள்.
Recommended Video
பெங்களூரு: நடிகர் அம்பரீஷ் மரணத்திற்கு நடிகர்கள், அரசியல்வாதிகள் இரங்கல் தெரிவித்து வருகிறார்கள்.
மிகவும் புகழ்பெற்ற கன்னட நடிகரும், முன்னாள் கர்நாடக அமைச்சருமான அம்பரீஷ் பெங்களூருவில் நேற்று காலமானார்.
கன்னட திரையுலகில் மிகவும் புகழ் பெற்ற நடிகர் அம்பரீஷ். கடந்த சில மாதங்களாக சிறுநீரகக் கோளாறு காரணமாக அவதிப்பட்டு வந்த அம்பரீஷ், நேற்று பெங்களூரு விக்ரம் மருத்துவமனையில் இரவு 11 மணியளவில் உயிரிழந்தார்.
நடிகர் அம்பரீஷ் மரணத்திற்கு நடிகர்கள், அரசியல்வாதிகள் இரங்கல் தெரிவித்து வருகிறார்கள். நடிகர்கள் ரஜினிகாந்த், பிரகாஷ்ராஜ், சரத்குமார் ஆகியோர் இரங்கல் தெரிவித்து உள்ளனர். இவருக்கு இந்திய திரையுலகை சேர்ந்த பலர் நெருங்கிய நண்பர்கள் என்பது குறிப்பிடத்தக்கது.
இன்று அதிகாலையிலேயே கர்நாடக முதல்வர் குமாரசாமி அம்பரீஷ் உடலுக்கு மரியாதை செலுத்தினார். அவரது உடலுக்கு மரியாதை செலுத்து நேற்று இரவில் இருந்த ரசிகர்கள் வரிசையில் காத்து இருக்கிறார்கள்.
அம்பரீஷ் மரணத்திற்கு நடிகர் ரஜினிகாந்த் நேற்று இரவு இரங்கல் தெரிவித்து இருந்தார். நல்ல திறமைசாலி, நல்ல மனிதர்.. மிக சிறந்த நண்பனை இழந்துவிட்டேன் என்று ரஜினிகாந்த் குறிப்பிட்ட இருந்தார். இன்று அம்பரீஷ் இறுதி சடங்கில் கலந்து கொள்ள ரஜினிகாந்த் பெங்களூர் செல்கிறார்.