என்னப்பா, விமானம் ரிவர்ஸ் கியர் போட்டு பறக்குது.. பெங்களூரில் த்ரில்- வீடியோ
Recommended Video
பெங்களூர்: கார், ஆட்டோ, பஸ்.. ஏன் லாரிகள் கூட ரிவர்ஸ் கியர் போட்டு பார்த்திருப்பீங்க. ஆனால் விமானம் ரிவர்ஸ் எடுத்து பார்த்துள்ளீர்களா.. அதுவும் பறக்கும்போது?
பெரும்பாலானோர் பதில் இல்லை என்பதாகத்தான் இருக்கும். பெங்களூரில் நடைபெற்று வரும் விமான கண்காட்சியை பார்த்தவர்கள் பதில் ஆம் என்பதாக இருக்கும். அட ஆமாங்க.. உண்மையிலேயே பெங்களூர் விமான கண்காட்சியில் நடத்தப்பட்ட சாகசத்தில், விமானம் ஒன்று ரிவர்ஸ் கியர் போட்டு பறந்தது.
பெங்களூரில் 5 நாட்கள் நடைபெறும் விமான கண்காட்சி நேற்று துவங்கியது. பல நாட்டு முன்னணி நிறுவனங்களும் இதில் பங்கேற்றுள்ளன. நேற்றைய துவக்க நாள் விழாவில், கர்நாடக முதல்வர் குமாரசாமி, ராணுவ அமைச்சர் நிர்மலா சீதாராமன் உள்ளிட்டோர் பங்கேற்றனர்.
அவர்கள் முன்னிலையில்தான், வானத்தில் ரிவர்ஸ் கியர் போட்டு விமானம் சென்றது. இதைப் பார்த்த பார்வையாளர்கள் ஆரவாரம் செய்து ரசித்தனர். தங்கள் செல்போன்களில் வீடியோ எடுத்து மகிழ்ந்தனர்.
#AeroIndia2019: Ever seen an Aircraft in a reverse gear?
— All India Radio News (@airnewsalerts) February 20, 2019
Watch: #Sukhoi30 @AeroIndiashow pic.twitter.com/shbCWvgJYO
குமாரசாமி, நிர்மலா சீதாராமன் ஆகியோரும் கை தட்டி உற்சாகப்படுத்தினர். அந்த விமானம் இந்திய விமானப்படையில் உள்ள சுகோய் 30 வகை விமானம் என்பது மேலும், சிறப்பு. (இந்த ட்விட்டர் வீடியோவில் பாதிக்கும் மேற்பட்ட பகுதிகளில் அந்த காட்சி உள்ளது)
இதேபோல நேற்று ரபேல் போர் விமானமும் தனது வீராவேசத்தை காட்டியது. சீறிப் பாய்ந்து சென்றது அந்த விமானம். இதுவும் பார்வையாளர்களை பரவசப்படுத்தியது.