ஸ்ருதி சுமத்திய பாலியல் குற்றச்சாட்டு.. அர்ஜுன் மாமனார் என்ன சொல்கிறார் தெரியுமா?
Recommended Video
பெங்களூர்: நடிகை ஸ்ருதி ஹரிஹரன் சுமத்திய பாலியல் குற்றச்சாட்டுகளுக்கு நடுவேயும், நடிகர் அர்ஜுனுக்கு அவரது குடும்பம் மற்றும் கன்னட திரையுலக வட்டாரத்தில் ஆதரவு அதிகரித்துள்ளது.
ஒன்றரை வருடங்கள் முன்பாக ஒரு திரைப்படத்தில் இணைந்து நடித்தபோது, எனது முதுகை அர்ஜுன் தடவினார் என்றும், இறுக்கி பிடித்தார் என்றும் நடிகை ஸ்ருதி குற்றம்சாட்டியிருந்தார்.
கன்னட திரை உலகின் முன்னணி தயாரிப்பாளரான முனிரத்னா அம் மாநில செய்தி சேனல் ஒன்றிற்கு அளித்த பேட்டியில், குற்றச்சாட்டில் கொஞ்சமும் உண்மையில்லை என்று தெரிவித்தார்.
குழந்தை நட்சத்திரம்
மேலும் அவர் கூறியதாவது: சினிமா உலகத்திற்கு அர்ஜுன் குழந்தை நட்சத்திரமாக அறிமுகமானார். 40 வருடங்களுக்கு மேலாக அவர் சினிமா துறையில் இருக்கிறார். இதுவரை அவர் மீது ஒரு சிறு கரும்புள்ளி விழுந்தது கிடையாது. சுருதியை பொறுத்தளவில் சினிமா துறைக்கு புதியவர். எனவே அவர் ஏதேனும் தவறுகள் செய்திருந்தால் அதை சரி செய்வதற்காக தொட்டு இருப்பாரே தவிர தவறான எண்ணத்துடன் அர்ஜுன் தொட்டு இருக்கமாட்டார். ஸ்ருதி தான் தவறாக நினைத்துக் கொண்டு உள்ளார்.
முன்னணி நடிகைகள்
ஸ்ருதி ஹரிஹரன் முதலில் நடிப்பை கற்றுக் கொள்ளட்டும். நீண்டகாலம் இந்த துறையில் வளர்ந்த பிறகுதான், மனிதர்களை புரிந்து கொள்ள முடியும். இது போன்ற குற்றச்சாட்டுகளை சுமத்துவதற்கான பக்குவம் வர அவருக்கு இன்னும் நீண்டகாலம் உள்ளது. தென்னிந்தியாவின் மிகப்பெரிய நடிகர், நடிகைகளுடன் அர்ஜுன் நடித்துள்ளார். ஆனால் இப்படியாக அவர் யாரிடமும் நடந்து கொண்டதாக குற்றச்சாட்டு வந்ததே கிடையாது. சுருதியின் குற்றச்சாட்டில் அர்த்தமே கிடையாது. விஷ்மயா திரைப்படத்தின் நிகழ்ச்சியின் போது இதே அர்ஜுனை வாயாரப் புகழ்ந்து சுருதி பேசியிருந்தார். இவ்வாறு தயாரிப்பாளர் முனிரத்னா தெரிவித்தார்.
மாமனார் ஆதரவு
அர்ஜூனின் மாமனாரும் பிரபல நடிகருமான ராஜேஷ் இதுபற்றி கூறுகையில், அர்ஜுன் ஒரு நிஜமான ஜென்டில்மேன். அவரது நடத்தையின் காரணமாகதான் நல்ல பெயரை ஈட்டியுள்ளார். அழகான மனைவியும், குழந்தைகளும் அவருக்கு உள்ளனர். ஆனால் சுருதியின் புகார் என்பது அர்ஜூனின் நற்பெயருக்கு களங்கத்தை ஏற்படுத்தும் நோக்கத்திலானது.
மகள் வயது
ஒருவேளை அர்ஜுன் இளமை காலத்தில் இவ்வாறு நடந்து கொண்டதாக குற்றம் சாட்டி இருந்தால் கூட நம்பியிருக்காலம். ஆனால் இப்போது அர்ஜுன் வயது 56. ஸ்ருதி வயதில் அர்ஜுனுக்கு குழந்தைகள் உள்ளநிலையில், இவரிடம் அவர் தவறாக நடந்து கொண்டார் என்ற குற்றச்சாட்டை நம்ப முடியாது. இவ்வாறு அவர் தெரிவித்தார்.