Click it and Unblock the Notifications
Don't Miss
-
GT vs DC - 89 ரன்களில் சுருண்ட குஜராத்.. நடப்பு சீசனில் குறைந்தபட்ச ஸ்கோர்.. டெல்லி அபார பந்துவீச்சு -
பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..? -
கோவையில் இருந்து கேரளாவுக்கு இந்த ரயில்ல போங்க.. எக்ஸ்பீரியன்ஸ் இன்னும் செம்மையா இருக்கும்! அப்படி என்ன ரயில்? -
சர்க்கரை நோயாளிகளுக்கு எச்சரிக்கை.. கோடையில் இந்த அறிகுறிகள் இருந்தால் அலட்சியம் செய்யாதீர்கள்..! -
சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி -
அட அதுக்குள்ள லீக் ஆகிடுச்சே.. சியான் 62 பட டைட்டில் இதுதானா?.. ஆனால், அந்த வாடை வருதே! -
பட்ஜெட்ல பெஸ்ட்.. யோசிக்காம வாங்கலாம்.. 43" இன்ச் மற்றும் 55" இன்ச் Smart TV.. லேட் பண்ணிடாதீங்க.. -
தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
எங்கும் கிடைக்காத விலை.. ரூ.150 -க்கு மட்டன் பிரியாணி.. 1 கி.மீ.தூரம் காத்திருந்த அசைவ பிரியர்கள்..
பெங்களூர்: பெங்களூர் ஹோஸ்கோட்டேவில் மட்டன் பிரியாணி மிக குறைந்த விலையில் விற்கப்படுவதால் அசைவப் பிரியர்கள் காலை முதலே வரிசை கட்டி நின்று அதனை வாங்கிச்செல்கின்றனர்.
Recommended Video
பெங்களூரு மாநகரில் ரூ.300 முதல் ரூ.400 வரை விற்பனை செய்யப்படும் மட்டன் பிரியாணி ஹோஸ்கோட்டே பகுதியில் மட்டும் ரூ.150 க்கு விற்பனை செய்யப்படுகிறது.
இதற்கு காரணம் அங்கு பிரியாணிக்கென்றே பிரத்யேகமாக 10-க்கும் மேற்பட்ட கடைகள் இருப்பதால் போட்டி போட்டுக்கொண்டு சலுகைகள் வழங்கி வாடிக்கையாளர்களை தக்க வைக்கின்றனர் கடை நிர்வாகத்தினர்.
மட்டன் பிரியாணி
தமிழகத்தில் எப்படி ஆம்பூர் பிரியாணி, திண்டுக்கல் பிரியாணி என பிரபலமோ அதேபோல் கர்நாடகாவில் ஹோஸ்கோட்டே பிரியாணி என்பது பிரபலமாகி வருகிறது. பெங்களூருவில் இருந்து 25 கி.மீ. தொலைவில் உள்ள ஹோஸ்கோட்டேவில் பிரியாணிக்கென்ற 10-க்கும் மேற்பட்ட கடைகள் பிரத்யேகமாக இயங்கி வருகின்றன. இதனால் வாடிக்கையாளர்களுக்கு போட்டி போட்டுக் கொண்டு ஏராளமான சலுகைகளை அள்ளி வீசி வருகின்றன பிரியாணி கடைகள்.
பிரியாணி பிரியர்கள்
பிரியாணி பிரியர்களின் புகலிடமாக விளங்கும் ஹோஸ்கோட்டேவில் மட்டன் பிரியாணி ரூ.150-க்கும், ஆட்டுக்கால் பாயா ரூ.50-க்கும் மட்டுமே விற்பனை செய்யப்படுவதால் கூட்டம் அலைமோதுகிறது. பெங்களூருவில் இருந்து கார், டூவிலர் என அசைவ பிரியர்கள் படையெடுத்த வண்ணம் இருக்கின்றனர். வேலைநாட்களான திங்கள் முதல் வெள்ளி வரையிலான நாட்களை விட வார விடுப்பு நாட்களான சனி மற்றும் ஞயிற்றுக்கிழமைகளில் கூட்டம் கட்டி ஏறுகிறது.
வரிசையில் நின்று
காலை முதலே ஒரு கிலோ மீட்டர் முதல் ஒன்றரை கிலோ மீட்டர் வரை பிரியாணி பிரியர்கள் கால் கடுக்க வரிசையில் நின்று தங்களுக்கு விருப்பமான பிரியாணியை வாங்கிச்செல்கின்றனர். கொரோனா ஊரடங்கு காரணமாக கடந்த 5 மாதங்களுக்கு மேல் மூடப்பட்டிருந்த பிரியாணி கடைகள் இப்போது திறக்கப்பட்டுள்ளதால் இந்தளவு கூட்டம் கூடுவதாக தெரிவிக்கப்படுகிறது.
என்ன விசேஷம்?
ஒரு கிலோ மீட்டர் தூரம் வரை வரிசையில் நின்று வாங்கிச் செல்லும் அளவுக்கு அந்த பிரியாணியில் அப்படி என்ன ஸ்பெஷல் என்று பார்த்தால், அது தமிழக பிரியாணி ஸ்டைலில் தம் பிரியாணியாக தயாரிக்கப்படுகிறது. தமிழகத்தில் வழங்கப்படுவதை போல் பிரியாணியுடன் தயிர் பச்சடியும், முட்டை கிரேவியும் தரப்படுகிறது. இந்த பிரியாணியை சுவைப்பதற்காக பென்ஸ் கார்களில் கூட பெங்களூருவில் இருந்து ஹோஸ்கோட்டே செல்பவர்கள் ஏராளம்.
