பெங்களூரு அப்டேட்டுகளுக்கு
நோட்டிபிகேஷனை அனுமதி  
Oneindia App Download

பாஜகவிற்கு உண்மையாக தேச பக்தி இருப்பதை நிரூபிக்க ஒரு சான்ஸ்.. கர்நாடக அமைச்சர் செம சவால்

Google Oneindia Tamil News

பெங்களூர்: பாஜகவினருக்கு உண்மையிலேயே தேச பக்தி, பண்பாடு இருக்குமானால், காங்கிரஸ், மஜத அதிருப்தி எம்எல்ஏக்களுக்கு உங்கள் ஆட்சியில் எந்த பதவியும் கொடுக்க கூடாது என்று, கர்நாடக அமைச்சர் யு.டி.காதர் சட்டசபையில் இன்று தெரிவித்தார்.

முதல்வர் குமாரசாமி தாக்கல் செய்த நம்பிக்கை வாக்கெடுப்பு மீதான விவாதத்தில் இன்று பேசிய, யு.டி.காதர், கூறியதை பாருங்கள்: "பாஜகவினரை பொறுத்தளவில், அவர்களுக்குத்தான் தேச பக்தி இருப்பதாக சொல்லிக் கொள்கிறார்கள். வேறு யாருக்குமே தேச பக்தி இல்லை என்றும் நினைக்கிறார்கள்.

Is BJP truly patriotic? asks Karnataka Minister UT Khader

அவர்களுக்குதான் கலாச்சாரம், பண்பாடு இருப்பதாகவும், மற்றவர்களுக்கு அதெல்லாம் இல்லை என்றும் கூட நினைக்கிறார்கள். அப்படியே இருக்கட்டும். நீங்கள்தான் உத்தமர்கள் என்று சொல்லிக்கொள்கிறீர்கள் அல்லவா? அதை நிரூபிக்க ஒரு வாய்ப்பு கிடைத்துள்ளது.

உண்மையிலேயே உங்களுக்கு தேச பக்தி, பண்பாடு, நியாயத்தின் மீது நம்பிக்கை இருக்குமானால், எங்கள் ஆட்சியை எதிர்த்து மும்பையில் சென்று அமர்ந்து இருக்கிறார்களே, அவர்களுக்கு, உங்கள் ஆட்சி அமைந்தால் எந்த பதவியும் கொடுக்க கூடாது.

மக்கள் இதை பார்த்துக் கொண்டு உள்ளார்கள். நீங்கள் அவர்களுக்கு பதவி கொடுத்தால், நீங்கள் பேசி வரும் நியாயம், தர்மம் எப்படிப்பட்டது என்பது மக்களுக்கு தெரிந்துவிடும். ஜாக்கிரதை.

ராஜினாமா செய்த எம்எல்ஏக்களை அதிருப்தி எம்எல்ஏக்கள் என ஊடகங்கள் குறிப்பிடுவதை கூட நான் விரும்பவில்லை. ஏனெனில் அவர்கள் ரொம்பவே திருப்தியாக உள்ளார்கள். அவர்கள் திருப்திப்படுத்தப்பட்டதால்தான், மும்பையில் சென்று உட்கார்ந்து இருக்கிறார்கள். அல்லது, அவர்கள், பெங்களூரிலேயே இருந்திருப்பார்கள். இவ்வாறு அவர் பேசினார்.

English summary
Karnataka Minister UT Khader today said in the Assembly that, if the BJP has a truly patriotic culture, they should not give any post to the rebel MLAs.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X