கன்னட நடிகரும் முன்னாள் அமைச்சருமான அம்பரீஷ் காலமானார்!
பிரபல கன்னட நடிகர் அம்பரீஷ் காலமானார்.
பெங்களூரு: பிரபல கன்னட நடிகரும், முன்னாள் கர்நாடக அமைச்சருமான அம்பரீஷ் பெங்களூருவில் காலமானார்.
கன்னட திரையுலகில் புகழ் பெற்ற நடிகர் அம்பரீஷ் (66). அவருக்கு அபிஷேக் என்ற மகனும், சுமலதா என்ற மனைவியும் உள்ளனர். அவர் காங்கிரஸ் ஆட்சியில் கர்நாடக வீட்டு வசதி வாரியத்துறை அமைச்சராக பதவி வகித்தவர்.
சிறுநீரகக் கோளாறு காரணமாக கடந்த சில மாதங்களாக அவதிப்பட்டு வந்த அம்பரீஷ், பெங்களூரு விக்ரம் மருத்துவமனையில் சிகிச்சைப் பெற்று வந்தார். இந்நிலையில் சிகிச்சைப் பலனின்றி இன்றிரவு 11 மணியளவில் உயிரிழந்தார்.
அம்பரீஷ் காலமான தகவல் அறிந்து கன்னட திரையுலகினரும், காங்கிரஸ் கட்சியினரும் சோகத்தில் மூழ்கியுள்ளனர். அம்பரீஷின் உடலுக்கு கர்நாடக முதலமைச்சர் குமாரசாமி நேரில் அஞ்சலி செலுத்தினார்.
மறைந்த முன்னாள் அமைச்சர் அம்பரீஷ் நடிகர் ரஜினிகாந்தின் நெருங்கிய நண்பர் என்பது குறிப்பிடத்தக்கது.