• search
பெங்களூரு அப்டேட்டுகளுக்கு
நோட்டிபிகேஷனை அனுமதி  

சென்னை மாதிரி கர்நாடகாவில் ஊரடங்கா.. நெவர்.. பொருளாதாரத்தை மீட்பதே எங்கள் இலக்கு- எடியூரப்பா அதிரடி

|

பெங்களூர்: கர்நாடகாவில் முழு ஊரடங்கு என்ற பேச்சுக்கே இடம் கிடையாது என்று முதல்வர் எடியூரப்பா திட்டவட்டமாக தெரிவித்துள்ளார்.

சென்னை உட்பட நான்கு மாவட்டங்களில், தமிழக அரசு ஜூன் 19-ஆம் தேதி முதல் 12 நாட்களுக்கு முழு ஊரடங்கு அமல் படுத்தி உள்ளது.

Unlock 1.0: No need of lock down in Karnataka, says BS Yeddyurappa

இந்த நிலையில் அண்டை மாநிலமான கர்நாடகாவில் கொரோனா வைரஸ் பாதிப்பு அதிகரித்து வருவதால், அங்கும் சில மாவட்டங்களில், ஊரடங்கு உத்தரவு அமல்படுத்தப்படுமா என்று கேள்விகள் எழுந்தன.

குறிப்பாக, பெங்களூரு மாவட்டம் உள்ளிட்ட சில நகர்ப்புறப் பகுதிகளில் ஊரடங்கு உத்தரவு அமலுக்கு வரும் என்று பேச்சு அடிபட்டது. ஆனால் இன்று அதை திட்டவட்டமாக மறுத்துள்ளார் எடியூரப்பா.

மாநிலத்தில் நிலவக்கூடிய கொரோனா வைரஸ் பாதிப்பு பற்றி தினமும் அமைச்சர்கள் மற்றும் அதிகாரிகளுடன் ஆலோசனை நடத்தி வருகிறார் எடியூரப்பா. இன்றைய ஆலோசனைக் கூட்டத்திலும் பிற மாநிலங்களில் இருந்து கர்நாடக வருவோருக்கு விதிக்கப்பட வேண்டிய கட்டுப்பாடுகள் தொடர்பாக ஆலோசிக்கப்பட்டது.

பெங்களூரில் சுமார் 30% கேஸ்கள் வெளிநாடு அல்லது வெளி மாநிலங்களுக்கு செல்லாமல் பாதிக்கப்பட்டவர்கள் என்று கண்டறியப்பட்டுள்ளது. இதற்கு காரணம் தமிழகம் உள்ளிட்ட கொரோனா வைரஸ் பாதிப்பு அதிகமாக உள்ள மாநிலங்களில் இருந்து பெங்களூரு வருவோர் வீட்டில் தங்களைத் தனிமைப் படுத்திக் கொள்ளாமல் சமூகத்தினருடன் கலந்து பழகுவதுதான் என்று அதிகாரிகள் தெரிவித்துள்ளனர்.

4 நாட்கள் டைம்.. சென்னை முழு லாக்டவுனில் இந்த விஷயத்தை கவனித்தீர்களா? தமிழக அரசு செம யோசனை!

எனவேதான், தமிழகத்துக்கான விதிமுறையை மாற்றியுள்ளது கர்நாடக அரசு. தமிழகம், டெல்லி ஆகிய மாநிலங்களில் இருந்து வருவோர் மூன்று நாட்கள் நிறுவன தனிமைப்படுத்தலுக்கு உட்படுத்தப்பட்டு அதன் பிறகுதான் வீட்டு தனிமைப்படுத்தலுக்கு அனுப்பப்படுவார்கள் என்று உத்தரவை மாற்றியுள்ளது.

இந்த நிலையில் இன்று செய்தியாளர்களுக்கு பேட்டியளித்த எடியூரப்பா, கர்நாடகாவில் முழு ஊரடங்கு என்ற பேச்சுக்கே இடம் கிடையாது. மக்களின் இயல்பு வாழ்க்கையை மீட்டெடுப்பதுதான் இப்போது எங்களின் முதல் பணியாக இருக்கிறது. பொருளாதார நடவடிக்கைகளை அதிகரிக்க தேவையான உதவிகளை செய்யுமாறு பிரதமர் நரேந்திர மோடியை தொடர்பு கொண்டு பேச உள்ளேன் என்று தெரிவித்துள்ளார் எடியூரப்பா.

    Karnataka Quarantine Rules : தமிழகத்தில் இருந்து வந்தாலே அரசு முகாமில் கட்டாய தனிமை

    பொருத்தமான வரன் தேர்ந்தெடுக்க தமிழ் மேட்ரிமோனி - இன்றே பதிவு செய்யுங்கள , பதிவு இலவசம்!

     
     
     
    English summary
    No need of lockdown in Karnataka. Will ask PM to help in accelerating economic activities in the State. Our focus is now on returning to normal life".
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more