பிரபலமா தான் இருக்கு.. ஆனா வாட்ஸ் அப்பால் வருமானம் இல்லையே - மார்க் ஜூக்கர்பெர்க்
Recommended Video
பெங்களூரு: வாட்ஸ் அப்பால் எந்த லாபமும் இல்லை என்று கூறியுள்ள மார்க்ஜூகர் பெர்க், இதனால் பேஸ்புக்கின் வருமானமும் பாதிக்கப்படுவதாக குறிப்பிட்டுள்ளது பெரும் வியப்பை ஏற்படுத்தியுள்ளது.
பெங்களூருவில் உள்ள தொழில்நுட்ப வல்லுநர்களிடம் மார்க்ஜூகர் பெர்க், காணொலிக்காட்சி மூலம் உரையாற்றினார். அப்போது பேசிய அவர் இந்தியாவில் சமூக ஊடகங்கள் அதிக அளவில் பயன்படுத்தப்படுகின்றது. இது அமெரிக்க சந்தைக்கு கடும் சவால்விடும் வகையில் உள்ளது என கூறியுள்ளார்.
பல்வேறு நாடுகளில் உள்ள வலுவில்லாத சட்டதிட்டங்களால் சமூக வலைதளங்களில் உள்ள தகவல்கள் திருடப்படுகின்றன. பிரச்சனைக்குள்ளான தகவல்களை நாங்கள் ஒருபோதும் சேகரித்து வைப்பது இல்லை. சில பெரிய நாடுகள் தகவல்களுக்கு விதிக்கும் தடையால் வர்த்தகம் பாதிக்கப்படுகிறது என பேசினார்
பேஸ்புக் நிறுவனம் வாட்ஸ் அப் நிறுவனத்தை கைப்பற்றிய போதிலும், அதில் லாபம் ஏதும் இல்லை என்று குறிப்பிட்ட அவர், இந்தியா உள்ளிட்ட சில நாடுகளில் வாட்ஸ் அப் மிகவும் பிரபலமாக உள்ளது. எனவே தனிநபர் விவரங்கள் பாதுகாப்புக்கு முக்கியத்துவம் கொடுத்து வருவதாக கூறினார்.