For Quick Alerts
ALLOW NOTIFICATIONS  
For Daily Alerts
Just In
Oneindia App Download

எல்.பி.ஜி சிலிண்டர் விலை ரூ.3.46 அதிகரிப்பு

By Mayura Akilan
Google Oneindia Tamil News

LPG price hiked by Rs 3.46 per cylinder
டெல்லி: டீலர்களுக்கான கமிஷன் தொகை அதிகரித்துள்ளதால், சமையல் எரிவாயு சிலிண்டர்களின் விலையும் உயர்ந்துள்ளது. இதன்படி, தற்போதைய விலையில் இருந்து, 3.46 ரூபாய் அதிகரிக்கப்பட்டுள்ளது.

பொதுத் துறை எண்ணெய் நிறுவனங்களுக்கு ஏற்படும், கடுமையான நஷ்டத்தை தடுக்க வேண்டுமானால், சமையல், காஸ் விலையை, சிலிண்டருக்கு, 250 ரூபாய் அதிகரிக்க வேண்டும்; மானிய விலையில், வழங்கும் சிலிண்டர்களின் எண்ணிக்கையை, ஒன்பதிலிருந்து, ஆறாக குறைக்க வேண்டும் என்றும், கிரீத் பரீக் கமிட்டி, கடந்த நவம்பர் மாதம் மத்திய அரசுக்கு பரிந்துரைத்தது..

5 மாநிலங்களுக்கான தேர்தலை கருத்தில் கொண்டு விலையை உயர்த்தாமல் காலம் தாழ்த்தியது மத்திய அரசு. இந்த நிலையில் நேற்றோடு மாநில தேர்தல் முடிவுகள் அனைத்தும் அறிவிக்கப்பட்டுள்ள நிலையில் மத்திய அரசும் வீட்டு உபயோகத்திற்காக சமையல் கேஸ் விலையை உயர்த்தியுள்ளது.

இந்த நிலையில் டீலர்களுக்கான கமிஷன் தொகை உயர்த்தப்பட்டுள்ளதாக கூறி ஒரு சிலிண்டருக்கு ரூ.3.46 உயர்த்தப்பட்டுள்ளது. தற்போது 14.2 கிலோ எடை கொண்ட மானிய விலை எல்.பி.ஜி., சிலிண்டர் ஒன்றின் விலை சென்னையில் ரூ.398 ஆகவும், டில்லியில் ரூ.410 ஆகவும் உள்ளது. இதே சமயம் மானியம் அல்லாத சிலிண்டரின் விலை இரண்டு மடங்காக அதிகரிக்கப்பட்டு சென்னையில் ரூ.792 ஆகவும், டில்லியில் ரூ.802 ஆகவும் உள்ளது குறிப்பிடத்தக்கது.

தற்போது விலை உயர்த்தப்பட்டதன் மூலம் சென்னையில் மானிய சிலிண்டர் விலை ரூ.401.46 ஆக விற்பனை செய்யப்படும். அதேபோல் மானியமல்லாத சிலிண்டரின் விலையும் உயர்ந்துள்ளது.

English summary
LPG price was on Tuesday hiked by Rs 3.46 per cylinder due to increase in dealer commission.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X