எரிபொருட்கள், காய்கறி விலையேற்றம் எதிரொலி- நாட்டின் மொத்த பணவீக்க விகிதம் 5.77% ஆக உயர்வு
பணவீக்க விகிதமானது 5.77% ஆக அதிகரித்துள்ளது.
டெல்லி: நாட்டின் மொத்த பணவீக்க விகிதமானது ஜூன் மாதத்தில் 5.77% ஆக அதிகரித்துள்ளது. மே மாதத்தில் 4.43% ஆக பணவீக்க விகிதம் இருந்தது.
பொருட்களின் விலை உயர்வு அடிப்படையில் பணவீக்க விகிதம் கணக்கிடப்படுகிறது. உணவுப் பொருட்களின் பணவீக்கமானது 1.60%-ல் இருந்து 1.80% ஆக அதிகரித்துள்ளது.
காய்கறிகளின் சார்ந்த பணவீக்க விகிதம் மிகக் கடுமையாக உயர்ந்துள்ளது. மே மாதத்தில் 2.51% ஆக இருந்தது ஜூனில் 8.12% ஆக அதிகரித்துள்ளது.
அதேபோல் எரிபொருட்கள், மின்சாரம் சார்ந்த பணவீக்க விகிதமும் 11.22%-ல் இருந்து 16.8% ஆக உயர்ந்துள்ளது. உருளைக்கிழங்கின் பணவீக்க விகிதமானது 81.93%ல் இருந்து 99.02%; வெங்காயத்தின் பணவீக்க விகிதம் 13.20%-ல் இருந்து 18.25% ஆக அதிகரித்திருக்கிறது.
கடந்த 4 ஆண்டுகளுக்குப் பின்னர் அதாவது 2013 டிசம்பருக்குப் பின் பணவீக்க விகிதம் கடுமையாக உயர்ந்துள்ளது குறிப்பிடத்தக்கது.