• search
சண்டிகர் அப்டேட்டுகளுக்கு
நோட்டிபிகேஷனை அனுமதி  

50 எம்.எல்.ஏக்கள் போர்க்கொடியால் அமரீந்தர்சிங் ராஜினாமா! புதிய முதல்வராகிறார் சுனில் ஜாகர்?

Google Oneindia Tamil News

சண்டிகர்: பஞ்சாப் மாநில காங்கிரஸ் கட்சியின் 50 எம்.எல்.ஏக்கள் போர்க்கொடி தூக்கியதால் முதல்வர் பதவியில் இருந்து அமரீந்தர்சிங் ராஜினாமா செய்துள்ளார். இதனையடுத்து புதிய முதல்வராக சுனில் ஜாகர் தேர்வு செய்யப்பட வாய்ப்புள்ளதாக அக்கட்சி வட்டாரங்கள் தெரிவிக்கின்றன.

பஞ்சாப் சட்டசபை தேர்தல் அடுத்த ஆண்டு நடைபெற உள்ளது. இந்த நிலையில் பஞ்சாப் மாநிலத்தில் ஆட்சி செய்யும் காங்கிரசில் உட்கட்சி பூசல் பகிரங்கமாக வெடித்துள்ளது.

அக்கட்சியின் 50க்கும் மேற்பட்ட எம்.எல்.ஏக்கள், முதல்வர் பதவியில் இருந்து அமரீந்தர்சிங்கை நீக்க வேண்டும் என்று இடைக்கால தலைவர் சோனியா காந்திக்கு கடிதம் அனுப்பினர். இதனையடுத்து வேறுவழியே இல்லாமல் இன்று முதல்வர் பதவியை ராஜினாமா செய்தார் அமரீந்தர்சிங்.

 உச்சகட்ட காங். உட்கட்சி மோதல்- பஞ்சாப் முதல்வர் பதவியில் இருந்து அமரீந்தர் சிங் ராஜினாமா! உச்சகட்ட காங். உட்கட்சி மோதல்- பஞ்சாப் முதல்வர் பதவியில் இருந்து அமரீந்தர் சிங் ராஜினாமா!

சித்து கோஷ்டி மகிழ்ச்சி

சித்து கோஷ்டி மகிழ்ச்சி

மேலும், அடுத்த கட்ட நடவடிக்கை தொடர்பாக தமது ஆதரவாளர்களுடன் ஆலோசனை நடத்த உள்ளார் அமரீந்தர்சிங். இதனிடையே அமரீந்தர்சிங் பதவி விலகலை மாநில காங்கிரஸ் கமிட்டித் தலைவர் நவ்ஜோத்சிங் சித்துவின் ஆதரவாளர்கள் கொண்டாடி வருகின்றனர். மேலும் புதிய முதல்வரை தேர்ந்தெடுக்க காங்கிரஸ் எம்.எல்.ஏக்கள் கூட்டம் நடைபெற உள்ளது.

அடுத்த முதல்வர் சுனில் ஜாகர்?

அடுத்த முதல்வர் சுனில் ஜாகர்?

இந்த கூட்டத்தில் அடுத்த முதல்வர் யார் என்பது தொடர்பான விவாதம் களைகட்டியிருக்கிறது. தற்போதைய நிலையில் பஞ்சாப் மாநில காங்கிரஸ் கமிட்டியின் முன்னாள் தலைவரான சுனில் ஜாகர் பெயர்தான் அடிபடுகிறது. பஞ்சாப் தேர்தல் நடைபெறும் நிலையில் காங்கிரஸ் மேலிடம் ஒரு வியூகம் வகுத்துள்ளது.

காங். வியூகம்

காங். வியூகம்

அதாவது சீக்கியர்கள் வாக்குகளைப் பெறுவதற்காக மாநில காங்கிரஸ் கமிட்டித் தலைவராக நவ்ஜோத்சிங் சித்துவை நியமித்துள்ளது. சீக்கியர் அல்லாதவர் வாக்குகளைப் பெற சீக்கியர் அல்லாத சுனில் ஜாகரை முதல்வராக்க நினைக்கிறது காங்கிரஸ் மேலிடம். முதல்வர் பதவிக்கான ரேஸில் பிரதாப் சிங் பாஜ்வா பெயரும் அடிபடுகிறது.

மேலும் 2 மேலிட பார்வையாளர்கள்

மேலும் 2 மேலிட பார்வையாளர்கள்

மேலும் பஞ்சாப் காங்கிரஸ் விவகாரங்களை இதுவரை ஹரீஷ் ராவத்தான் பார்த்து வந்தார். தற்போது அஜய் மக்கான் மற்றும் ஹரீஷ் சவுத்ரி ஆகியோரும் பஞ்சாப் விவகாரம் குறித்து முடிவெடுக்க சண்டிகரில் முகாமிட்டுள்ளனர். சில நாட்களுக்கு முன்னர் அமரீந்தர்சிங்குக்கு ஆதரவாக ஹரீஷ் ராவத் கருத்து தெரிவித்திருந்தது குறிப்பிட்டத்தக்கது.

English summary
Sunil Jakhar will become the Next Punjab CM Post, sources said.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X