ஆஹா மீசை வச்சு.. உடல் மொழி, பாவனை என "முழுசா" விஜயாக மாறிய ரசிகை.. தெறி வீடியோ.. மெர்சலாகும் இணையம்!
சென்னை: மீசை வச்சிக்கிட்டு உடல்மொழி, பாவனை என ரசிகை ஒருவர் விஜயாகவே மாறிய வீடியோ வைரலாகி வருகிறது.
Recommended Video
ஒவ்வொரு நடிகர்களுக்கும் பல ரசிகர்கள், ரசிகைகள் இருப்பார்கள். விஜய், சூர்யா, அஜித் உள்ளிட்டோர் சினிமாவுக்கு வந்த போது அவரை காதலித்த வெறித்தனமான ரசிகைகள் குறித்து எல்லாம் நாம் செய்திகளில் படித்திருக்கிறோம்.
இந்த நடிகர்களில் சிலருக்கு திருமணம் ஆன பிறகும் ரசிகைகள் காதல் கடிதம் தீட்டியது தெரிந்த கதைதான். இது போல் ரசிகர்கள் ,ரசிகைகளில் பல முகங்கள் உண்டு.
கட் அவுட்
சினிமாவுக்கு போனோமா, படத்தை பார்த்தோமா, நடிகரின் நடிப்பு குறித்து பேசினோமா என சிலர் இருப்பர். படம் வெளியாகும்போது கட்அவுட்களுக்கு பாலாபிஷேகம் செய்வது , பட்டாசு வெடிப்பது, இனிப்பு வழங்குவது என தீவிரமானவர்களும் இருப்பார்கள்.
ரசிகை வீடியோ
நமக்கு பிடித்த நடிகர் போலவே பேசும் மிமிக்கிரி கலைஞர்களை நாம் பார்த்திருப்போம். இப்படியிருக்கையில் தனக்கு பிடித்த நடிகர் போலவே மாறிய தெறிக்கவிடும் ரசிகை குறித்து கேள்விப்பட்டுள்ளீர்களா, ஆம் ஒரு ரசிகையின் வீடியோ வைரலாகி வருகிறது.
விஜய்யின் ரசிகை
அவர் எந்த ஊர், எங்கிருந்து அனுப்பியுள்ளார் என தெரியவில்லை. ஆனால் ஆங்கிலம் பேசுகிறார், எனவே வெளிநாடு வாழ் இந்தியராக இருக்கலாம் என தெரிகிறது. அவர் முகத்திற்கு மீசை வரைந்து கொண்டு, தலையில் தொப்பி அணிந்து கொண்டு நான் ஒரு விஜய்யின் ரசிகை என கூறுகிறார்.
வீடியோ வைரல்
மேலும் அவரது உடல் மொழியும் அப்படியே விஜயை ஒத்து இருக்கிறது. சிரிப்பது, வெட்கப்படுவது, தன் இடுப்பில் கைவைத்து நிற்பது என அனைத்திலும் விஜயை அப்படியே உரித்து வைத்திருக்கிறார். இந்த வீடியோ சமூகவலைதளங்களில் வைரலாகி வருகிறது.